Poliisi ekyabuuliriza ku baserikale baayo 2 abaafudde ekibwatukira

Poliisi ebuuliriza ku baserikale baayo ababiri mu kitundu kya Wamala , abaafudde mu ngeri etategeerekeka.

Omu ku bo AIP Muzawali Mulumba ng'ono afudde yaakatuusibwa ku Mpungu Medical Center e Ntwetwe mu disitulikiti y'e Kyankwanzi.

Mulumba ng'abadde akolera ku poliisi y'e Ntwetwe nga y'akulira ebikwekweto, kigambibwa nti, yazirise bwe yabadde amaanya n'okubaaga enkoko ng'ali n'abaana be ku katebe kwe yabadde n'agwa, ne bamuddusa mu ddwaaliro gye yafiiridde.

Okubuuliriza ku kyavuddeko okufa kwe, kugenda mu maaso. Ate omuserikale omulala PC David Tabaro 45 ng'abadde akolera ku poliisi y'e Lwamata Rural police station era ng'asula Kisagazi e Kiboga, naye yafiiridde mu kalwaliro mu Kafunda Trading centre e Bukomero Kiboga gye yabadde atwaliddwa ng'azirise.

Ensonda zitegeezezza nti Mulumba ye aziikiddwa e Budaka.