Amawulire
Kitalo! 3 bafiiridde ku lutindo lw'e Karuma mu mugga Nile!
Loole ekika kya FUSO ebadde eva mu mambuka, eremeredde ddereeva waayo ne yeesolossa mu mugga ne yeefuula emirundi egiwerako mu mazzi.
Kitalo! 3 bafiiridde ku lutindo lw'e Karuma mu mugga Nile!
By: Bukedde Omusunsuzi, Journalists @NewVision
ABANTU basatu kikakasiddwa nti bafiiridde ku lutindo lwa Karuma ku River Nile, loole kwe babadde batambulira bw'etomedde ebipanka n'agwa mu mazzi.
Loole ekika kya FUSO ebadde eva mu mambuka, eremeredde ddereeva waayo ne yeesolossa mu mugga ne yeefuula emirundi egiwerako mu mazzi.
Omwogezi wa poliisi y'ebidduka Micheal Kananura,agambye nti bonna abasatu, bafiiriddewo bwe bagwirdde nti omu ku bbo abadde agezaako okubuukako n'akuba omutwe ku kolaasi n'afa.
We tujjidde ku mpewo , ng'omulambo gw'omuntu omu guggiddwayo ng'okuyigga egy'abalala ababiri, kukolebwa. Kananura agasseeko nti ky'aliba nga kivudde ku ndiima.
Asabye abagoba b'ebidduka, okugondera ebiragiro n'obubonero bw’oku nguudo okwewala obubenje .