Omupakasi avudde mu mbeera n'akakkana  ku mukamaawe n'amutemako omukono ekitundu n'akisuula eri n'abulawo

Omupakasi avudde mu mbeera n'akakkana  ku mukamaawe n'amutemako omukono ekitundu n'akisuula eri n'abulawo . 

Bibadde ku kyalo Omukibaare mu Ggombolola y'e Kayungwe mu disitulikiti y'e Kannungu, omusajja akola ogwokwokya amanda amanyiddwa nga Brian, bw'atemye mukamaawe Eriabu Aineplaani omukono n'agukutulako ekitundu. 

Kigambibwa nti Brian abadde mukozi wa Aineplaani ng'amwokerako amanda nti kyokka Aineplaani abadde awulira olugambo nti Brian ate amubbira amanda. 

Mu mbeera eyo, bw'agezezzaako okumunenya wakati mu bakozi banne, kwekuva mu mbeera n'amugalulira ejjambiya amuteme ku mutwe nti n'assaayo omukono n'agukutulako ekitundu. 

Omwogezi wa poliisi e Kigezi, Elly Maate, agambye nti bamututte mu Kambuga hospital okufuna obujanjabi era nga poliisi nga bali ne ssentebe wa LC 1 Frank Turinawe batandise omuyiggo gwa Brain.