Amawulire
OMUNTU omu agambibwa okuba omubbi w'emmundu, akubiddwa amasasi agamusse
OMUNTU omu agambibwa okuba omubbi w'emmundu, akubiddwa amasasi agamusse, abalala 2 ne badduka, bwe babadde bagezaako okubba omusuubuzi.
Emmundu
By: Godfrey Kigobero, Journalist @New Vision
OMUNTU omu agambubwa okuba omubbi w'emmundu, akubiddwa amasasi agamusse, abalala 2 ne badduka, bwe babadde bagezaako okubba omusuubuzi.
Bibadde mu zooni ya Ssemwogerere mu Nakawa Division mu Kampala, ababbi 3 bwe bafumbikirizza omusuubuzi abadde atambula ne mukyala we ku Mukasa rd, ne babeebasa wansi ne bababbako essimu, wallet n'ebintu ebirala.
Kigambibwa nti wakati mu kutulugunya abantu bano, abasirikale ababadde mu kulawuna ku pikipiki, webatuukidde mu kifo nti era wano ababbi ne bagezaako okudduka nga basudde essimu n'ensawo omubadde ebibbe wamu n'emmundu.
Era kigambibwa nti mu kubawondera, omu ku bagambibwa okuba ababbi atemera mu myaka nga 25, akubiddwa amasasi agamuttiddewo .
Omwogezi wa poliisi mu Kampala, Recheal Kawala, agambye nti emmundu ekika kya SAR , essimu 4, laptop, ekiso ky'emmundu, ekisosonkole ky'essasi n'ebirala, bizuuliddwa mu kifo era ng'omulambo gutwaliddwa mu ggwanika e Mulago , okugwekebejja ng'okubuuliriza kukolebwa.