Bukedde Pass PLE Mock ajjumbiddwa
EBIGEZO bya MOCK wa Bukedde bikomekerezebwa leero n’ekigezo kya English, abayizi n’abasomesa ababikoze batenda omuntindogwabye.
Omusomesa ku Mugongo P/S nga yeetegereza abayizi bwe baabadde bakola ekigezo kya Science eggulo.
EBIGEZO bya MOCK wa Bukedde bikomekerezebwa leero n’ekigezo kya English, abayizi n’abasomesa ababikoze batenda omuntindogwabye.
Ebigezo bino byatandika ku Mmande nga buli kigezo ekibadde kikolebwa ng’enkeera Bukedde afulumya answer zaakyo okuyambako abasomesa n’abayizi okubiyitamu.
Avunaanyizibwa ku by’okutunda n’okusaasaanya amawulire mu kkampuni ya Vision Group, Bruce Byaruhanga yeebazizza amasomero gonna ageetabye mu kukokola ebigezo bino n'ategeeza nga Bukedde bw'ekyagenda mu maaso n’okuteekateeka abayizi ba P.7 ng’eyita mu katabo ka Pass PLE afuluma buli Mmande ne Lwokuna.
Byaruhanga yannyonnyodde nti, ebigezo bino biteekeddwateekeddwa abasomesa abakugu, abalina obumanyirivu nga bigendereddwaamu okuyamba abayizi ba P7, okweteekerateekera obulungi Mock entongole n’ebigezo bya PLE eby'akamalirizo mu November omwaka guno.
Yakunze abakulu b’amasomero okwekwata olupapula lwa Bukedde olwa Mmande ne ku Lwokuna omufulumira Pass PLE, okweteekerateekera obulungi ebigezo bya PLE.
EMIGAASO GY’EBIGEZO BINO
- Biyamba abayizi n’abasomesa okuyiga engeri ebigezo gye biteekebwateekebwamu.
- Biyamba abasomesa n’abayizi okuzuula aweetaaga okwongerwa amaanyi.
- Biyamaba abayizi okweteekerateekera ebigezo eby’akamalirizo