Ekikwekweto kiyodde abavubuka 69 abateeber­ezebwa okwenyigira mu bumenyi bw’amateeka.

POLIISI mu Kampala n’emiriraano ekoze ebik­wekweto mw’ekwatidde abavubuka 69 abateeber­ezebwa okwenyigira mu bumenyi bw’amateeka.

Abaakwatiddwa kigambibwa nti babadde bateega abantu nad­dala abava okukola ne babanyagako ebyabwe wamu n’okwenyigira mu kukommonta enjaga.

Abamu ku bavubuka abaayooleddwa.

Omwogezi wa poliisi mu Kampala n’emiriraano, Rachael Kawala yagambye nti ebikwekweto bino bya­koleddwa oluvannyuma lw’okufuna okwemulugu­nya okuva mu bantu mu bitundu eby’enjawulo.

Yagambye, poliisi ya Kampalamukadde yas­indise abaserikale baayo ne bakola ekikwekweto ku Musajjalumbwa ne Lubaga Road gye baak­watidde abavubuka 14.

E Mukono, poliisi yakoze ekikwekweto mu kitundu ky’e Kirangira n’ebitundu ebiriraany­eewo mwe yakwatidde abantu 23. Ebitundu mwe kyakoleddwa byebyo ebimanyiddwa okubeeramu abamenyi b’amateeka nga gye basinziira ne batigomya abantu n’okunywerayo enjaga.

Ate mu Kira Division, ekikwekweto kyakoled­dwa mu bitundu okuli; Kireka, Kiganda, Namu­gongo era abavubuka 32 be baakwatiddwa. Yagambye nti ebik­wekweto biyambye okukendeeza ku bu­menyi bw’amateeka mu bitundu.