Amawulire
Gwe balumiriza okudibaga ssente za PDM e Matugga akwatiddwa
Ssentebe wa PDM mu muluka gwa Matugga mu diviizoni y’e Gombe, Jessica Naggita atunudde ebikalu bw’abadde akunyizibwa RDC wa Nansana ku bigambibwa nti yeenyigira mu mivuyo gya PDM ng’agya ssente ku bantu okusobola okuganyulwa mu pulojekiti eno.
Gwe balumiriza okudibaga ssente za PDM e Matugga akwatiddwa
By: Steven Kiragga, Journalist @New Vision
Ssentebe wa PDM mu muluka gwa Matugga mu diviizoni y’e Gombe, Jessica Naggita atunudde ebikalu bw’abadde akunyizibwa RDC wa Nansana ku bigambibwa nti yeenyigira mu mivuyo gya PDM ng’agya ssente ku bantu okusobola okuganyulwa mu pulojekiti eno.
Naggita Nga poliisi emutwala.
Ono okukwatibwa kiddiridde abatuuze okwemulugunya ku ngeri gy’aludde nga abaggyako ssente okufuna mu PDM kyokka abamu ne batazifuna kwe kwekubira enduulu ewa RDC.
Wabula, Naggita yeegaanye ebimwogerwako n’ategeeza nti mpalana za kyalo kyokka n’asaba okusonyiyibwa.
Rdc Lwanga Ng'ayogera Ku nsonga Za Pdm
Wano RDC wa Nansana charles Lwanga w’alabulidde nti ebikwekweto by’okufuuza bonna abeenyigidde mu kudibaga pulojekiti za gavumenti omuli emyoga ne PDM tebigenda kuttira muntu yenna ku liiso