Amawulire
Poliisi ekutte 8 abagambibwa okusala n'okubba waya z'amasannyalaze e Buikwe
ABANTU munaana abagambibwa okuba mu kibinja ekirudde nga kisala n'okubba waya z'amasannyalaze e Buikwe, okubba woyiro okuva mu tulansifooma n'ebyuma ebirala, bakwatiddwa mu kikwekweto ekikoleddwa poliisi n'amagye.
Poliisi ekutte 8 abagambibwa okusala n'okubba waya z'amasannyalaze e Buikwe
By: Godfrey Kigobero, Journalist @New Vision
ABANTU munaana abagambibwa okuba mu kibinja ekirudde nga kisala n'okubba waya z'amasannyalaze e Buikwe, okubba woyiro okuva mu tulansifooma n'ebyuma ebirala, bakwatiddwa mu kikwekweto ekikoleddwa poliisi n'amagye.
Waya ze babaddenga basala
Bano, baggyiddwa mu bitundu bya Masanafu mu Kampala , Nansana mu Wakiso ne Mukono era ng'abakwatiddwa, kuliko Swale Barungi, Ibra Kiwanuka, Bashiri Ssemambo, Kefa Ssangala, Isaac Mugema, Robert Ssebaggala, Vicent Katongole ne Joseph Ssenkumba.
Mu kikwekweto ekikoleddwa era bazudde ebizibiti ebiwerako omuli waya , ebyuma ebisala waya n'emiti ne kalonda omulala.
Abagambibwa okusala waya abaakwatiddwa.
Ensonda mu poliisi zitegeezezza nti bamaze okukwatagana ne ACP Kamoya akulira okunoonyereza mu kitongole kya Electricity Regulatory Authority (ERA) okumukwasa abasibe mu kaweefube w'okugenda mu maaso n'okunoonyereza ku bunyazi obuzze bubaawo.