Akabenje Ddekabusa katuze 14 e Kamuwunga ku luguudo oluva e Kampala okudda e Masaka.

POLIISI efulumizza amannya g'abantu 14, abafiiridde mu kabenje e Kamuwunga ku luguudo oluva e Kampala okudda e Masaka.

Akabenje kano, kaabaddewo ku ssaawa nga ttaano ekiro ekikeesezza leero okumpi n'ekitoogo kyomu Lwera,  Sino Truck nnamba UBS 040F ebadde etisse omusenyu ng'eva ku ludda lw'e Masaka okudda e Kampala, bw'etomedde Drone nnamba UA 662AQ ebadde eyolekera Masaka .

Takisi ya Drone eyaweddewo mu Kabenje

Mu Drone mubaddemu abantu 16 era nga ku bbo, 14 bafudde ,ababiri ne batwalibwa mu ddwaaliro e Masaka okufuna obujanjabi wamu n'abalala ababiri ababadde mu Sino Truck. Mu kiseera kino, poliisi eyigga dereeva wa sino Truck.

Ono ye Abdul Karim Ssembatya, ddereeva abadde avuga drone naye yafudde.

Abalala Lawrence Sebuuma 34 Mabaale Kifuufu e Kyotera, Margret Nabbosa 36 w'e Ziroobwe Luwero, Veronica Nabulime, ne muwalawe ng'abadde naye, Moses Kizza 27, Innocent Irora 39 w'e Kyegegwa ng'abadde akolera mu Cocacola e Namanve.

Kuliko Sgt Nabukenya  nga musirikale wa poliisi, n'abalala babiri, abatannamanyika bibakwatako.

Sino truck badde etisse omusenyu eya tomedde 'Drone' ku luguudo lw'e Masaka,

Omwogezi wa poliisi e Masaka, Twaha Kasirye , agambye nti abalumiziddwa kuliko Edward Kaiga 22 ng'ono abadde musaabaze mu Sino truck , n'abantu abalala babiri , ababadde abasaabaze mu takisi. omulala omu abadde mu sino truck tannamanyika bimukwatako.