America ekubye emmeeri za Iran 5 ne zibbira
KATI ate olutalo gye lutuuse tewaasoboke. America ekubye emmeeri za Iran ttaano (5) ne zibbira mu kagolomolo n’agayanja ga Buwalabu amalala.
Engeri America gye yasesebuddemu emmeeri za
TEHRAN, IRAN
KATI ate olutalo gye lutuuse tewaasoboke. America ekubye emmeeri za Iran ttaano (5) ne zibbira mu kagolomolo n’agayanja ga Buwalabu amalala.
Mu bujjuvu byabadde bwe biti; Amawulire ga Reuters gagamba nti, olukuba olwabaddewo mu kiro ekyakeesezza Olwokusatu, ky’ekiro America ky’ekyasinze okukubiramu Iran bukya lutalo lwabwe lutandika mu February wa mwaka guno.
Eggye lya America erya US Central Command erivunaanyizibwa ku lutalo luno lyategeezezza nti, emmeeri za Iran zaabadde zijeemera ekiragiro ky’obutatunda mafuta ga ggwanga eryo mu mawanga g’ebweru ate nga lyegeza ne mu kukuba emmeeri za America ennwaanyi.
Engeri America gye yasesebuddemu emmeeri za Iran. America ekubye emmeeri za Iran 5 ne zibbira Zaagudde mu gayanja okuli erya Persian Gulf, Gulf of Oman ne mu kagolomolo ka Strait of Hormuz.
Emu ku mmeeri za Iran ezaakubiddwa ye M/T Riesco, eyabbidde n’ebyakwo byonna mu liyanja lya gulf of Oman.
Ekibiina kya Bungereza ekikola ku by’entambula z’emmeeri ekya UKMTO kyategeezezza bwe kyalabye emmeeri eziwera nga zaaka omuliro mu kagolomolo, mu Gulf of Oman ne ku mwalo gwa Port Rashid mu United Arab Emirates. Minisita wa America ow’ensonga z’ebweru, Marco Rubio yalabudde Iran nti, buli lw’eneegezangako
okukuba ku mmeeri za America ennwaanyi, ejja kukubwanga ebya ddala awatali kugyekubisakubisa.
Rubio eyabadde ku bugenyi mu Colombia yagasseeko nti, bagenda kwongera okukuba ttanka z’amafuta ga Iran eyinza n’obutasigaza singa teyegendereza.
ENGERI IRAN GYE YEESASUZZA
Mu kwesasuza, eggye lya Iran erya Islamic Revolutionary Guard Corps ligamba nti, lyakubye emmeeri za America ennwaanyi 10.
Okwo era lyewaana bwe lyakubiddeko n’emmeeri z’amawanga amalala ezaabadde zigezaako okukukusiza amafuta mu kagolomolo. Eggye eryo ligattako nti lyakubye n’enfo za America mu Jordan kyokka eggwanga eryo ligamba nti, mizayiro ezaabadde zirumbye zaakubiddwa.
IRAN EWAMBYE LUBBIRA YA AMERICA
Iran egamba nti yawambye lubbira y’eggye lya America enkessi eyabadde esindinkiddwa okukung’aanya bwino mu kagolomolo.
Emmeeri eno eyitibwa Dive-LD Submersible, eyakolebwa kkampuni ya Anduril mu ssaza ly’e California mu America, esobola okusindikibwa mu nfo n’emalamu ennaku 10 ng’eketta buli kirimu.
Eriko obuwanvu bwa fuuti 19, nga si nnene nga ziri endala ennwaanyi ate nga yeevuga
yokka, wabula saayansi waayo ow’amaanyi, aketta n’ebyalema eda. Ekozesebwa mu kuketta bbomu eziyiibwa mu mazzi eza ‘sea mine’ ezigambibwa nti Iran yaziyiwa mu kagolomolo.
Eketta entambula z’emmeeri ng’eziwuliriza ng’eri wansi ku ntobo y’ennyanja n’eweereza obubaka amagye ga America, bwe zibeera za mulabe ne gazikolako.
Eketta gawaya gonna agayita wansi w’ennyanja ne ge zitwala n’eketterau n’amaloboozi. Kati Iran egamba nti, lubbira eyo yategeddwa obutimba n’ebugwamu ne bagiroba.
Wabula ekitebe ky’eggye lya
America ekya Pentagon kyategeezezza nti, lubbira eyo emaze ennaku ng’efunyeemu okulemererwa okukola so si kugiwamba nga bwe bagamba nti baagiteze.
Mu bufunze, okugiwamba yabadde yafudde bufi nga tekola. Olutalo olwali lusiriikiridde
mu June w’omwaka guno olw’endagaano eyakolebwa, lwazzeemu gye buvuddeko olwa Iran okugaana okuwaayo nukiriya waayo n’okulwana ate amawanga gombi ne gakuddako n’efiira ddala.