Amawulire
Poliisi ekutte ensawo za manda 270 mu bitundu pulezidenti gye yagagaana okwokebwa
Ensawo z'amanda 270 ze zikwatiddwa mu kikwekweto ekikoleddwa mu bitundu mwe baagaana okwokya amanda.
Poliisi ekutte ensawo za manda 270 mu bitundu pulezidenti gye yagagaana okwokebwa
By: Godfrey Kigobero, Journalist @New Vision
Ensawo z'amanda 270 ze zikwatiddwa mu kikwekweto ekikoleddwa mu bitundu mwe baagaana okwokya amanda.
Omukulembeze w'eggwanga yayisa ekiragiro mu 2023 obutaddamu kwokya manda wadde okugasuubula mu bitundu omuli Karamoja, Amuru Pakachwi n'awalala mu kaweefube w'okukuuma obutonde.
Omwogezi wa poliisi mu ggwanga, Kituuma Rusoke, agambye nti baliko abantu abawerako abakwatiddwa omuli baddereeva, abakola ku loole, abagasuubula n'abo abagatundira ku mabbali g'enguudo.
Agasseeko nti wadde olina ensawo emu mu mmotoka, era oli waakukwatibwa bakuvunaane olw’okuzimuula ekiragiro kya pulezidenti.