Gavumenti ya Bungereza ewadde Uganda Trillion emu okuzimba enguudo mu Kampala

GAVUMENTI ya Bungereza okuyita mu kitongole kya United Kingdom Export Finance, ewadddeyo trillion emu okukola enguudo mu Kampala.
Enguudo ezigenda okukolebwa ziweza obuwamvu bwa km 270 ziri mu munisipaali e’enjawulo okuli Nakawa e Bugoloobi, Makindye, Kanpala Central mu bitundu bya Nakasero ne Kololo.
Akulira KCCA, Dorothy Kisaka yeeyatadde omukono ku ndagaano ku lw’ekitongole ate Kate Airey, Omubaka wa Bungereza mu Uganda yeeyakulembedde abakungu ba Bungereza.
Sente obukadde bwa Paund za Bungereza obukadde 250 mu za Uganda 1,068,398,558,250/-, naakuziyisa mu kampuni ya COLAS UK.
Kisaka ategeezezza nti omulimu guno guteekebwamu ensimbi aba United Kingdom Export Finance, okuzimba kutandika mwaka gujja.
Omubaka wa Bungereza Kate Airey ategeezezza nti pulojekiti eno yakukola kinene okunyweza enkolagana ya Uganda ne Bungereza.
Kisaka agamba nti kkampuni ya COLAS UK yeekutte omulimu gwonna wabula yakugabirako kkampuni za Uganda emirimu egimu olwo esigale ng’erondoola emirimu.
Enguudo ezigenda okukolebwa ziweza omugatte gwa km 270 nga zonna ziri mu Kampala. 
Jacob Byamukama, akola nga yinginiya wa KCCA yagambye nti omulimu gutandise n’okwetegereza okuzuula nguudo ki ezetaagisa okukola amangu ezituukana ne pulaani ezetaagisa.
Jensen okuva mu kkampuni ya COLAS UK yeemu ku kkampuni eziri ku mutendera gw’ensi yonna ezikulembera mu kukola enguudo nga kati eweza emyaka 100 ng’ekola emirimu.