Bannayuganda boolekedde Round ey'omukaaga mu mpaka za Chess w'abamusaayimuto  e Zimbabwe

Egyazanyiddwa
U18 
Mutero Tadisa (ZIM) 1-0 Edwin Pido (UG)
S. Omprakash (UG) 1/2-1/2 C.Randriatsiferana (MAD)

U16 
Grove Emily (SA) 0-1 Dasha Zalwango (UG)
Li Zhengfei (SA) 1-0 soubith Omprakash (UG)

U14 
Asaba Juliet (UG) 1-0 Patience Magorosi (ZIM)
Daniel Odokonyero (UG) 1-0 Kruger Tobias (SA)
Omara Samora (UG) 0-1 Parag Jugmohan (SA)

U12 
Moruza Tinaye (ZIM) 0-1 Anabel Kirabo (UG)
Milla Papanicolaou (SA) 0-1 Suhana Anil (UG)
Ronald Wabwire(UG) 1/2-1/2 Tak Ramveer (SA)
Apollo Ahumuza (UG) 1/2-1/2 Man Iowan (SA)
Shaurya Danave (ZAM) 1-0 Oyang Sankara (UG)

U10 
Talia Atubet (UG) 0-1 Agusionu A. Zita (NGR)
Li Xing (ZIM) 1-0 Elvis Tumusiime (UG)

U8 
Psalm Nicole (UG) 1-0 Chloe Masanchwe (MW)
Aaron Kagoda (UG) 0-1 Tak Abeer (SA)
Sean Mulema (UG) 1-0 Jane Lennon (MOZ)
Ernest Kiggundu (UG) 1-0 Jeremy Muriuki (KE)

Bannayuganda okuli Sana Omprakash (U18) ne Suhana Anil Yadav (U12) boolekede enzannya ezokufa n'okuwona mu round ey'omukaaga mu mpaka z'abamusaayimuto eza Africa Youth Chess Championships ezibumbujira mu kibuga Harare ekya Zimbabwe.
Sana nga mu kiseera kino akwata kifo kisooka mu mutendera gwabali wansi wemyaka 18 attunka n’omu Nigeria WCM Deborah Ebimobo, akwata ekisooka ku lukalu lwa Africa lwa Africa ku board esooka mu muzannyo ogwesunga buli omu.

Sana Omprakash nga bimusobedde bweyabadde azannya chess

Sana ajja mu muzannyo guno nga yaakulembedde ekimeeza mu bawala abali wansi wemyaka 18 n'obubonero 4.5 points, nga addiriddwa Ebimoho ku bubonero buna.
Mu mutendera gwabali wansi wemyaka 12 okuvuganya kweyongedde nga ku round eyomukaaga munnayuganda Suhana Anil Yadav waakuttunka n’omu Nigeria Michelle Nwankwo akwata ekifo ekisooka ku lukalu lwa Africa mu mutendera ogwo.
Abazanyi bombi bali ku bubonero 4.5 mu nzannya 5 nga bombi tebanakubwamu.
Munnayuganda omulala asuubirwamu Juliet Asaba (U14), waakuttunka ne munnansi wa Botswana WCM Eesha Nalamalpu, nga mukadde kano akwata ekifo kyakubiri ki lukalu lwa Africa.

Apollo Ahumuza nga ali mu nsiike

Mu bali wansi wemyaka 12 Ronald Wabwire ne Apollo Ahumuza, abakulembedde ku lukalu lwa Africa baakuttunka nebannansi ba South Africa ne Kenya.
Ababiri bano betaaga buwanguzi bwokka okwekuumira mu bifo ebyokumwanjo ebyemidaali.
Ye musaayimuto Talia Atubet (U10), eyakubiddwa Omu Nigeria Agusionu Adaeze, olunaku lweggulo akomawo mu nsiike nomu Zambia Nikhil Nitya atanakubwamu.
Ssaabawandiisi wekibiina ekiddukanya omuzannyo gwa chess mu ggwanga ekya UCF Patrick Ojok yakakasizza olusozi gambalagala abazanyi ba Uganda lweboolekedde.

Ernest ssengero(U8) nga alowooza kyazzaako

“ zino zenzannya ezisalawo eri Uganda, abaana baffe basanze abazanyi abasinga ku lukalu lwa Africa era puleesa ekituufu yeyongedee, naye tuli bagumu nti abaana baffe balina obusobozi okukola obulungi.” Ojok bweyagambye.