Abaddusi abasoba 500 bakedde kwetaba mu misinde gy'abayinginiya e Kyambogo

Abaddusi abasoba mu 500 bakedde ku kisaawe kya Kyambogo University Cricket Oval okwetaba mu misinde gyaba yinginiya egibeerawo buli mwaka.

Emisinde gino egyomulundi ogwokuna gyakozeseddwa okuggulawo ebijaguzo byolunaku lwaba yinginiya olubeerawo buli mwaka.  

Emisinde

Emisinde gino egyategekeddwa aba Engineers Registration Board gyasinze kujjumbirwa bakyala bayinginiya nga guno gwemulundi ogusoose abakyala okwettanira emisinde gino mu bungi okuva wegyatandikawo mu 2023.
Abaddusi beetabye mu mbiro eza kilomita 21, 10 ne kilomita 5 nga gyetabiddwamu bayinginiya okuva mu bitundu byeggwanga ebyenjawulo nebweru weggwanga.
Egyomwaka guno gyategekeddwa wansi womulamwa gwa theme “Smart Engineering for Sustainable Development through Digitalization and Innovation,” nga ebikujjuko byakukomekkerezebwa nolukungaana lwabayinginiya olwokubeerawo ku lwokusatu luno ku Hotel Africana. 

Emisinde

Alfred Kamala yeyawangudde mu gya kilomita 21 era nga ono yabadde agiwangula omulundi gwe ogwokusatu ogwomuddiringanwa. Mugoda James addukira mu kitongole kyebisolo ekya Uganda Wildlife Authority yeyanywedde mu banne aendo mu kilomita 10 ate Alungi Ismael owa Running Company nawangula egya kilomita 5.
Minisita omubeezi owebyentambula Musa Ecweru yeyabadde omuddusi omukulu era nga ono yatenderezza bayinginiya olwokukwata ekifo kyokumwanjo mu nkulakulana yeggwanga nga bayita mu mirimu egyenjawulo gyebakola.

Emisinde

Omuwandiisi wekitongole kya Engineers Registration Board (ERB) Ronald Namugera era nga yeyategese emisinde gino yayogedde ku gyomwaka guno nga egikyasinze okujjumbirwa. Namugera yategezezza nti bayinginiya basigala nga kitundu ku kutambuza eggwanga saako nokukula.   
Ono yasabye bayinginiya banne okwettanira obuyiiya nenkozesa yomutimbagano okusobola okulinyisa ku mutindo gwemirimu gyebakola