Kafulu mu kuvulumu mmotoka z'empaka Musa Ssegaabwe ayingizzaawo ekyuma  ekipya

Kyaddaki emmotoka emanyiddwa ennyo okujojobya abavuzi b’emmotoka z’empaka mu nsi yonna emanyiddwa nnyo ng’akakere  ekika kya Skoda Fabia RS N5 esabukuluddwa munna Uganda wakati mu bavuzi b’emmotoka z’empaka okugyesunga mu muzannyo guno.

Eno yesoose ku lukalu lwa Africa nga ereeteddwa munnayuganda Musa Ssegaabwe avugira mu Segamu rally team wamu ne munne Mathias Kiyegga.

Ekyuma ekipya

 Mu gisabukulula yegattiddwako bavuzi banne omuli Ronald Ssebuguzi, Kalule, Didas Matsiko saako abasomi ba maapi n’abawagizi  b’omuzannyo gwa  mmotoka mu ggwanga.

Mu kwogera kwe Ssegaabwe atutegezezza nti obutawangula ngule ya  sizoni ewedde  songa yali afubye  wabula emmotoka yamutimawa nga eno yemu ezamuwalirizza okutumya mmotoka esinga ku eri gy’abadde nayo ku maanyi.

Ssegaabwe atutegezezza nti emmotoka eno erimu tekinologiya mupya nnyo nga n’obuzito eno ewewuka nnyo bwogigeraageranya ne Evo 9 gy’abadde avuga nga eno agamba nti edduka okusinga ku gy’abadde nayo.

Musa Ssegaabwe ku kkono (Driver) Mathiau Kiyegga ku ddyo omusomiw a Maapu

Bw’abuuziddwa ku birooto bye mu muzannyo gwa mmotoka Ssegaabwe ategezezza nti ekirooto kye kuwangula ku engule ya ggwanga era nga kye kigendererwa kye omwaka guno.

Ate ku nsonga ya famire ye okubanga emuwagira okuvuga mmotoka ono ategezezza nti yali maama we yeyali asinga okutya nti wabula kati yaguma ddaa songa omukyala ye bali kimu