MUBS yeetisse empaka z'omupiira gw'abamuzibe
Tiimu ya MUBS yeetisse empaka z'omupiira gw'Abamuzibe eza Uganda Blind Football Championship ezabadde ku kisaawe kye Makerere olunaku lweggulo.
Aba MUBS nga bajaganya okuwangula ekikopo
MUBS 1-0 Strong Spirits
MUBS (1)0-0(0) KYUVISA ladies
MUBS nga gwemulundi gwabwe ogwasoose okwetaba mu mpaka zino yakubye Strong Spirits 1-0 ku luzannya olwakamalirizo neyetikka empaka zino ezaabadde ezomulundi ogwokuna.
Aba MUBS nga baweereddwa cceeke
MUBS yatandise kaweefube waabwe mu bibinja nobuwanguzi obwa goolo 2-0 zeyakubye Red Angels ne Gulu cyclones mu bibinja. Omupiira gwabwe ogwokusatu yagudde maliri KYUVISA Stars nga tewali alengedde katimba ka munne.
Ku luzannya oluddirira olwakamalirizo MUBS yakubye Ancilla-Mukono 3-0 neyesogga final.
Gulu Cyclones yakutte kyakusatu oluvannyuma lwokukuba KYUVISA Stars 1-0 mu gwokulwanira ekyokusatu.
Omuteebi Jimmy Innocent owa MUBS yeyasinze okulengera akatimba nga yateebye goolo munana mu mipiira etaano.
Kaputeeni wa MUBS ng'alaga ekikopo
Tiimu 10 zezeetabye mu mpaka zomwaka guno nga kwabaddeko ezabasajja munaana nezabakyala bbiri.
Muzafaru Jjagwe, omutandisi womuzannyo guno mu uganda yategezezza nga empaka zomwaka guno bwezeeyongeddemu ebbugumu oluvannyuma lwokusaawo ensimbi ezokuwangulwa. Omuwanguzi yaweereddwa emitwalo 500,000, owokubiri Shs300,000 ate owokusatu naweebwa emitwalo 200,000.
Empaka zino zaakozeseddwa okunoonya abasambi ba tiimu yeggwanga eyeetegekera empaka za Africa eza IBSA ezigenda okubeera mu kibuga cairo ekya Misiri ku nkomererero yomwaka guno.