Abantu 84 bafiire omu biro 2- Pooriisi.

N’ebya Omushaki weitu

Abantu 84 bafiire kandi 64 abarikuteekateekwaho okukora emanja bakwatsirwe omu biro 2 ekya 25/12/2023 na 26/12/2023 omu eihanga ryona okurugiirira ahari Pooriisi.

Omu bafiire harimu abantu 3 abaitsirwe abahekyera ba Allied Democratic Force (ADF) omu disiturikiti eya Kamwenge, 38 beitiirwe omu kikunga musisa ky’abantu, babiri bateirwe amasasi kandi abantu 8 bagwire omu mugyera baafa.

Omugambirizi wa Pooriisi, Fred Enanga agambire ebi obu abaire nagambaho n’abanyamakuru omu rukiiko rw’embeera y’eby’okwerinda omu eihanga orubaire aha kitebe kya Pooriisi omuri Naguru, Kampala nyomwebazyo ebiro 27/12/2023.

Enanga ayongiireho ngu emishango erikurenga omuri 100 niyo ehandiikirwe aha Pooriisi zitari zimwe okwetorora eihanga omu bwire nibwo bumwe obw’ebiro 2.

Okurugiirira ahari Enanga, ekyanga ekya Rwenzori West, Masaka empango n’ekya Kampala metropolitan North nibyo bikirizeyo kutunga emishango nyingi kandi ekyanga ekya Moroto, Savana, Ssezzibwa n’ekya Kampala metropolitan South nibyo bitungire emishango mikye.

#WestUpdates