Museveni ashabire kuhabaho okwongyera omutindo omu mwani.
N’ebya Beth Akatukunda
Purezidenti Yoweri Kaguta Museveni ashabira kuhabaho okwongyera omutindo omu mwani gwa Uganda n’ogw’amahanga ga Africa arikugira ngu eki kyaheza kukorwa, abashuubuzi b’omwani nibaija kutunga esente ezirireyo omu katare k’ensi yoona.
Purezidenti Yoweri Museveni n'abandi bakuru abahikire omu mushomo gw'eby'omwani ahari Speke Resort Munyonyo. PHOTO: PPU.
“Kg y’enjuma z’omwani eziri aha mutindo negura shiring 9,000 buri kg. Kandi kg niyo emwe ey’omwani ogusiire gupakingire gye negura shiringi 145,000,” Purezidenti Museveni arikushoborora.
Purezidenti ebi abigambire aharwakabiri obu abaire nayiguraho omu ruteerane rwa’amahanga 25 agarikuhinga omwani omuri Africa orurikuza kumara ebiro 3 ahari Speke Resort Munyonyo omuri Kampala.
Purezidenti Yoweri Museveni n'abamwe aha bahikire aha mushomo gw'eby'omwani ahari Speke Resort Munyonyo. PHOTO: PPU.
Oruteerane oru nirugyendera ahansi y’omutwe ‘ okutunguura ekitongore ky’omwani omuri Africa kurabira omu kugwongyeramu omutindo.
Oruteeraneoru rwetabirwemu abakuru kuruga omu bitongore by’omwani by’amahanga 25 agarikuhinga omwani omuri Africa agarikuguza omwani omu mahanga g’aheeru.
Museveni naagira ngu Uganda n’ekifeerwa esente nyingi ahabw’okuguza ebintu ebitongyirwemu mutindo omu mahanga g’aheeru.
Purezidenti Yoweri Museveni n'abandi abahikire aha mushomo gw'eby'omwani. PHOTO: PPU.
#WestUpdates
No Comment