Omushomesa omuri Busia abuzire ahabw’okugambwa kuba atoroboize omwegi.

N’ebya Egessa Hajusu

BUSIA

Pooriisi omuri Busia eriyo nehiiga Jack Maina, omushomesa wa siniya ahabw’okugambwa kuba aine akakwate n’okutoroboza omwishiki w’emyaka 17.

Orikukora nk’omugambirizi wa Pooriisi ahabwa Bukedi South, Johnson Moses Mugwe naagira ngu Winfred Nafula, omutuura w’omu kyaro ekya Buchicha omu gomborora eya Sikuda omu disiturikiti eya Busia ahababire omushango gw’okutoroboza aha Pooriisi ya Busia ebiro 13/10/2023.

Mugwe naagira ngu nikigambwa ngu Maina naagambwa kuba atoroboize omwegi w’emyaka 17 omwegi wa S.3 ah’eishomero erya Busia Border Seed Secondary school. Ekikorwa eki nagambwa kuba akikoriire omu loogi y’omu kyaro ekya Kisenyi ‘A’ Cell, omuri Western Divijoni omu Munisiparite eya Busia.

Mugwe nayongyeraho ngu abatuura abakwatsirweho abarebire omwegi ogu arikutaaha omu loogi ajwire unifomu bataahiriire loogi egi nikwo kugyemesereza bakama baayo kwiguraho akashengye. Beitu hoona, Maina naagambwa kuba atorokire akasigaho omwishiki.

Mukuru w’eishomero eri, Aggrey Mayende naagira ngu Pooriisi eizire ah’eishomero aharwakataano kukwata Maina beitu omuhwezi wa heedimasita agishabire obutateganisa briefying y’abeegi ba S.4 ebaire erimu na Maina arikugira ngu nibaija kumutwara aha Pooriisi, briefying ku eraahwe.

Beitu hoona, Maina atorokire ah’eishomero ahon’aho briefying y’abeegi ba S. 4 yaheza kuhwa.

#WestUpdates