Omuvugi wa taxi afeeriire omu kikorwa ky’omubonano omu loogi- Busia.

N’ebya Simon Masaba

BUSIA

Omuvugi wa taxi obaire atwire abakazi 2 omu loogi kuza kweshemeza omu by’omubonano afeeriire omu kikorwa omuri Busia.

Omugyenzi amanyirwe nka; Muhammad Mukungu, 55 ofeeriire omu loogi ya Mwesigwa Guest House omu kyaro kya Kisenyi A omuri Busia Munisiparite ahi abaire atwire abakazi 2 kweshemeza.

Omugambirizi wa Pooriisi, Fred Enanga ahamize amakuru aga agabaireho omu mwabazyo gw’ebiro 22/01/2024 shaaha nka 2 z’ekiro.

Enanga naagira ngu Mukungu agiire omu loogi n’omukazi w’okubanza kuhisya shaaha 5 z’ekiro obu amushendekyeriize akataaha.

“Ku abaire nagaruka omu loogi niyo emwe, Mukungu aretsire omukazi ondiijo kuraara nawe. Eky’obusaasi, ku babaire bari omu kikorwa kyabo ky’omubonano, Mukungu Salongo yaagwa kihuumura yaafa,” Okurugiirira ahari Enanga.

Nayongyeraho ngu omukazi ogu amanyiiseho bakama ba hoteeri egi abaizire bakamanyisa Pooriisi.

Omutumbi gwa Mukungu gutwirwe omu kabafu ah’eirwariro erya Busia kukyeberwa. Ekirugire omu kukyebera nibyoreka ngu Mukungu ateriine munonga ekireteire emisi erikutwara eshagama omu bwongo yashanyarara kumara akaire.

#WestUpdates