Abantu 9 bafeera omuri butandu omuri Buikwe.

N’ebya Charles Etukuri

Pooriisi eriizooba Orwakashatu yaahamya abantu 9 abaafa bwanyima y’emotoka eyaaba eyekoriire emicungwa kugwa ekekunamura omu disiturikiti eya Buikwe.

Hellen Butoto, Omugambirizi wa Pooriisi ahabw’ekyanga ekya Ssezibwa naagira ngu butandu egi yabaho shaaha 7 z’ekiro ekyabusheesha erizooba ebiro 03/01/2024. 

“Pooriisi omu disiturikiti eya Buikwe yahandiika butandu egi eyafeeramu abantu 9 eyaaba ahari Bulyantente aha ruguuto orwa Kampala-Jinja omu disiturikiti eya Buikwe. Butandu egi yaaba erimu emotoka ehandiikirwe omu namba ya UBN 533T Mitsubishi Fuso eyaaba neevugwa dureeva otakamanyirwe,” Butoto arikushoborora.

Nashoborora ngu emotoka egi yaaba neruga ogwa Jinja erikuza Kampala kandi yaaba eyekoriire enshaho z’emicungwa hamwe n’abashabaazi abaaba beshwekire entundubaare batarikwenda ngu aba Pooriisi b’ahanguuto batabakwata. Emotoka yaremererwa omuvugi waayo nikwo kwekunamurira omu mufuregye gw’amaizi. 

Emitumbi y’abantu 9 yaatwarwa omu kabafu ah’eirwariro erya Mulago kukyeberwa. Emitumbi y’abantu 7 tekamanyirwe bakama baayo kandi emitumbi 2 yonka niyo yabaasa kumanywa,” Butoto arikwongyera kushoborora.

Butoto naagira ngu abantu 3 abahonokaho batwarwa ah’eirwariro erya Kawolo kuragurirwa kandi emotoka eyatunga butandu eri aha Pooriisi ya Lugazi.

#WestUpdates