Omukuumi ateeriire yaagwa omu mugyera gwa Nile yaafa.

N’ebya Eddie Ssejjoba

BUIKWE

Abatuura b’omu kyaro ekya Naminya South omuri Njeru Munisiparite omu disiturikiti eya Buikwe bakiri omu kyekaango bwanyima y’omukuumi kuterera akagwa omu mugyera gwa Nile akafeeraho.

Okucondooza okwahikireho nikworeka ngu Cosmas Esiru, 22, omutuura wa UEB Quarters omuri Njeru Munisiparite kandi abaire nakora na kampuni y’eby’okwerinda ekya Wolves Security Group aharwamukaaga agyenzire n’omurumuna kuza aha mugyera gwa Nile kwozya emyenda ye.

Nikigambwa ngu ahari shaaha 3 z’akasheeshe, Esiru agwire omu maizi obu abaire natamburira omu mihegyeyo y’omugyera nikwo kufeeraho. 

Omurumuna ou abaire aine amanyiiseho Pooriisi y’ahamaizi abatandikire kuronda omutumbi kandi babaasize kugwihayo nikwo kugukwasa Pooriisi ya Njeru.

Okurugiirira ahari Hellen Butoto, Omugambirizi wa Pooriisi ahabw’ekyanga ekya Ssezibwa- Pooriisi etandikire kucondooza kumanya omuringo ogu Esiru yaagwire omu mugyera ogu.

Omutumbi gutwirwe omu kabafu ah’eirwariro erihango erya Jinja kukyeberwa kandi gwizire gwaheebwa abanyabuzaare be kuguziika.

#WestUpdates