Uganda kutwara aba LDU omuri Congo kurwanisa ADF

N’ebya John Masaba

Gavumenti ya Uganda neteekateeka kutwara aba LDU omu eihanga erya Democratic Republic of Congo kuhwera omukurwanisa abahekyera ba ADF.

Omuhwezi w’omugambirizi w’amahe, Col. Deo Akiiki naagira ngu eki nikija kuhwera okuhezaho emirimo y’abahekyera ba ADF.

Amahe ga Uganda n’aga Congo gakatongozaho ehururu y’okurwanisa ADF eya Operation Shujaa Okwikumi na kumwe 2021 kandi kwiha obwo bagyerizeho kurwanisa abahekyera aba omu burigw’eizooba bwa Congo.

Obu abaire nagambaho n’abanyamakuru nyomwabazyo aha Uganda Media Centre, Akiiki agiizire ngu bariyo nibahayo enteekateeka zaabo ahari Purezidenti wa Congo, Felix Tshisekedi n’owa Uganda, Yoweri Museveni ahaky’okutsindika aba LDU omuri DRC.

Hoona Akiiki araabwire abanya Uganda kugira obuzoora-maisho bwanyima y’ekikoosi kisya ekya ADF abataahire omu Uganda ebiro bishatu ebihingwire.

Ekikoosi eki kiri ahansi y’omuduumuzi waabo, Ahamed Muhamood Hassan aka Abu Waqas, enzaarwa ya Tanzania kandi omukugu omubya bomu.

#WestUpdates