SSP Agasirwe akomyewo mu kkooti y'amagye e Makindye okusaba okuteebwa ku kakalu ka kkooti
Mar 01, 2022
EYALI omuduumizi w'ekitongole kya poliisi ekya Special Operations Unit", SSP Nixon Agasirwe 47, akomezeddwaawo ku kkooti y’amagye e Makindye olwaleero ku Lwokubiri okuwulira okusaba kwe okw’okuteebwa ku kakalu ka kkooti.
By Benjamin Ssemwanga
Journalist @New Vision
Agasirwe yaakamala emyaka egisoba mu ena (4), mu kkomera ly’amagye e Makindye mu Barracks ng’awerennemba n’emisango omuli okuyambako okuwamba bannansi ba Rwanda abaali banoonya obubudamu mu Uganda ne bazzibwa e Rwanda nga tebeeyagalidde.
SSP Agasirwe ng'atuuka ku kkooti y'amagye e Makindye.
Ono yali wamu n’eyali omuduumizi wa poliisi, Kale Kayihura akyeyanjula ku kkooti y’emu nga yateebwa ku kakalu ka kkooti.
Guno mulundi gwakusatu nga Agasirwe asaba okweyimirirwa oluvannyuma lw’okulemererwa emirundi 2 egyasooka. Abaakwatibwa ne Agasirwe kuliko SSP Richard Ndaboine, Deputy Commandant Special Operations Unit, ASP Patrick Muramira,(eyaliko omuduumuzi w’ekitongole kya Special Operations Unit/ ex commandant) AIP Jonas Ayebaze ne Police Constable Abel Muyomba Kitagenda nga bano bateebwa ku kakalu ka kkooti.
No Comment