Sipiika Anita Among akuutidde abannansi okusimba emiti okutaasa obutonde bw'ensi

 SIPIIKA wa palamenti akuutidde bannansi okusimba emiti kikuume eggwanga okugwirwa ekyeya ekiva mukusala emiti.  

Agambye nti ku mulirwano mu ggwanga lya South Sudan amasomero gaggalawo   olw’ebbugumu okubeera waggulu nnyo n'agamba nti okusimba emiti kati y’emu ku ngeri esobola okutereza embeera y’obudde.  

Bino abyogedde bwabadde asimba omuti ku Bukedea Teaching Hospital nga eddwaliro lino lyakugulwawo pulezidenti Museveni olunnaku olwa leero mu disitulikiti y’e Bukedea.

 EKitongole ekivunanyizibwa ku bibira mu ggwanga ki National Forestry Authority kiwadde district eno emiti ekika kya Plumas 200 nga gino gyeybisibwa mukukola eddagala omuli erijanjaba kkansa, ensigo kwosa n’omusujja gw’ensiri.  

Micheal Kusulo nga mukungu mukitongole kino agambye nti bakufuba okutalaga ebitundu eby’enjawulo era nga kawefube ono basinze musomesa baana ba masomero.