Amawulire
Agambibwa okubba obuwale asindikiddwa e Luzira
OMUSUUBUZI agambibwa okubba obuwale asindikiddwa mu kkomera e Luzira oluvannyuma lw'omulamuzi wa kkooti ku Buganda road Jalia Basajja Balaba okumusomera omusango ogw'obubbi n'agwegaana.
Nicholas Aine agambibwa okubba obuwale
By: Harriet Nakalema, Journalists @New Vision
OMUSUUBUZI agambibwa okubba obuwale asindikiddwa mu kkomera e Luzira oluvannyuma lw'omulamuzi wa kkooti ku Buganda road Jalia Basajja Balaba okumusomera omusango ogw'obubbi n'agwegaana.
Nicholas Aine 34 omutuuze we Kevina Nsambya Makindye mu disitulikiti ye Kampala y'asimbiddwa mu maaso g'omulamuzi n'amusomera omusango gw'okubba obuwale ne sitookisi.
Kigambibwa nga August 3, 2024 ku kizimbe kya Nakasero Complex mu Kikuubo Aine yabba obuwale, sitookisi ebintu ebyali bibalirirwamu emitwalo 55 wabula omusango yagyegaanye n'ategeeza nti abamuwaabira baagala kumulemesa kukola mirimu gye.
Oludda oluwaabi nga lukulembeddwamu omuwaabi wa gavumenti Shiphrah Nidoi lutegeezezza nga okunonyereza ku musango guno bwekuwedde n'asaba omulamuzi okubawa olunaku okutandika okuwulira omusango guno.
Omulamuzi yakkirizza Aine okusaba okweyimirirwa wabula yabadde talina bamweyimirira n'amusindika ku meere e Luzira okutuusa nga August 22, 2024 okukomezebwawo okusaba okweyimirirwa wamu n'okuwulira omusango