Omubaka agulidde abayizi e Mubende Mock wa Bukedde

OMUBAKA Hope Grania Na- kazibwe (Mukazi/ Mubende) atenderezza Vision Group olw’obuyiiya bw’eraze mu kutumbula ebyenjigiriza ng’eyita mu kufulumya ebigezo n’ebisomesebwa ebya Pass PLE eby’omutindo ate n’ereeta n’abakugu abaleeta eby’okuddamu.

Bino Nakazibwe yabyogedde mu nsisinkano n’abakulira okubunyisa amawulire ga Vision Group mu ofiisi ye mu Palamenti n’agulira abayizi b’e Mubende ebigezo bya Mock wa Bukedde ebiyinda wiiki eno babikole batuuke ku mutindo UNEB gw’ebasuubirako n’okunyweza ennyanukula y’ebibuuzo.

Mu nsisinkano y’emu, amyuka akulira okubunyisa amawulire n’obutabo, Vision Group bw’efulumya, David Makoko yakwasizza Nakazibwe obutabo obw’eddaala lya Pulayimale bwe yali yagula okuli obwa Math, English, Social Studies, ne Integrated Science Work Book nga buli kamu katundibwa ku 10,000/-.

Nakazibwe yawadde babaka banne amagezi nti bakitwale nti buvunaanyizibwa bwabwe okutumbula ebyenjigiriza nga bayambako Gavumenti era ye e Mubende yakitandika dda ng’ayita mu kubagulira ebintu Bukedde by’afulumya naddala eri abayizi ba P7.

Yasuubizza n’okuwa abayizi mu masomero ga Gavumenti aga pulayimale emifaliso aba- naayitira mu ddaala erisooka omwaka guno oluvannyuma lw’okweyambisa obutabo n’amawulire ga Bukedde.

BONGEDDE OKUJJUMBIRA MOCK

Okwetooloola Uganda, abakola ebigezo bya Mock wa Bukedde beeyongedde ng’abayizi babikola bwe babit- ereka balinde okwegolola nga Bukedde atandise okufulumya eby’okuddibwamu wiiki ejja.

Ebigezo bino byatandika ku Mmande ya wiiki eno n’ekigezo kya Math, ku Lwokubiri n’efulumya ekya SST, leero efulumizza Science ate enkya ku Lwokuna afulumye ekya English.