Minisita Kasolo atabukidde bamannerenda abatwala densite z’abantu be bawola

MINISITA Haruna Kasolo, avunaanyizibwa ku Micro Finance alabudde bamanerenda abasaba densite z’eggwanga ng’omusingo nga bawola abantu ssente okukikomya.

Bino yabyogeredde Kiboga, bwe yabadde omugenyi omukulu mu kutongoza ekibinja kya ‘NRM Ku ntikko’. Omukolo gwakulembeddwa ssentebe wa NRM Ku ntikko, Julius Ndoori, omukwanaganya w’ebyenkulaakulana n’okutondawo emirimu, Moses Deo Maseruka, ssentebe wa disitulikiti y’e Kiboga, Gerald Nsiiro Kalunda Wavamunno n’abakungu abalala.

Minisita agamba nti bamanerenda abawola ssente basaba densite ate nga tewali tteeka liwa lukusa omuwozi wa ssente, kutwala densite y’omuntu gw’awoze era n’alagira abeewola, okugenda okukimayo densite zaabwe okuva mu ba manerenda.

Era yalabudde ne bassentebe b’ebyalo, abakkiriza abawozi ba ssente okuwandiisa be bawoze endagaano nti batunze ebibanja byabwe nga kino kye bassaayo ng’omusingo nga bwe balemwa okusasula, babatwalako ebintu byabwe.

Ku mukolo gwe gumu, RDC w’ekiboga, Hajji Moses Ddumba yasabye aba NRM okukwatagana banyweze NRM. Ndoori, ssentebe w’akakiiko wa NRM ku ntikko agamba nti baakutambuza enjiri ya NRM kyalo ku kyalo