Abazigu bawambye abafumbo oluvannyuma ne battako omusajja omulambo ne bagukasuka mu kisaka

Abantu abatannamanyika, bawambye omusajja ne mukazi we, ne batta omusajja omukazi ne bamuleka ng’afunye ebisago eby’amaanyi.

Attiddwa ye Godfrey Wayengera 45 ng'abadde mutuuze w'e Nsuube era nga y’abadde ddayirekita wa Beloved Day care and Nursery School Nsuube era nga mukozi wa Compassion Uganda.

Kigambibwa nti ono, yawambiddwa ne mukazi we ,abantu abaabadde mu ngoye ezeefananyiriza ez'ekijaasi, bwe babadde bagenda e Mbale okuziika.

Kigambibwa nti mu kubawamba, abazigu baabalimbye nti babatwala ku poliisi e Mukono nti kyokka ne babatwala e Kyungu Rd gye battidde Godfrey Omulambo ne bagusuula awo ate mukazi we Christine Najabi ye ne bamusuula e Misindye Goma gye baamuggye ne bamwongerayo mu ddwaaliro.

Omwogezi wa poliisi mu Kampala Patrick Onyango, agambye nti okubuuliriza kugenda mu maaso.