Akulira Vision Group asabye abantu okugula ebintu ebikolebwa mu Uganda

AKULIRA kkampuni ya Vision Group, Don Wanyama, akubirizza Bannayuganda okugula ebintu  ebikoolebwa fakitole ne kkampuni eziri mu ggwanga.

Okwogera bino,Wanyama abadde yaakamala  okulambula fakitole ya MMI Steel, ekola amaabaati agamanyiddwa nga Kiboko mu kitundu ky;e Masese e Jinja ku Lwakusatu emisana.

Don Wannyama ng'omu ku bakozi aliko by'amunnyonnyola. Ku kkono y'akulira kkampuni ya MMI, Heramb Kumtheka Nga Waliwo Bye Bamunnyonnyola.

"Tulina fakitole okuli; MMI Steel Uganda Ltd ezikola amabaati n'ekintu ebirala okuli wheelbarrow n'emitayimbwa eby'omutindo mu ggwanga era tusaba Bannayuganda baziwagire tuyambe eggwanga okukulaakulana amangu,"  bwatyo Wanyama bwategeezeza.

Ono alambuludde nti gavumementi yatandikawo enkola ya 'Buy Uganda ,Build Uganda-BUBU' n'ekigendererwa ky’okuyamba eggwanga okukulaakulana amangu nga liyita mu kubafunira emirimu, okusolooza omukolo ku fakitole ezikolera mu Uganda ebintu eby’enjawulo n'okuzimbamu ebintu ebirina ettoffaali lye bigatta ku ggwanga.

Ono awadde bannansi amagezi okuwagira enteekateeka ya gavumenti eno nga bayita mu kugula ebintu bya kkampuni ne fakitole ezikolera mu ggwanga ebintu.

Akulira kkampuni ya Kibooko Don WannyamHeramb Kumtheka ng'abuuza ku Don Wannyama. Nga Waliwo Bye Bamunnyonnyola. ng'abuuza ku Don.

Ku lwa Vision Group, Wanyama ,yeeyamye okuwagira enteekateeka za MMI ng'eyita mu kulanga ebintu by’ekola mu mikutu gyayo okuli, empapula, Ttivvi, leediyo n'emikutu gya sosolo midiya,wamu n'okumanyisa bakaasitoma baayo ku birungi ebiri mu kubyeyambisa.

Ye akulira emirimu mu MMI, Heramb Kumthekar, yeebaziza Vision Group, olw'okuggulawo enkolagana nabo gye yagambye  nti egenda okuyamba ebintu bya kkampuni okumanyika mu bantu n'okubigula mu bungi bongere okuleetawo enkulaakulana mu ggwanga.