Enkuluze y’Oluwalabu etongozeddwa

ABASIRAAMU mu Uganda bafunye enkuluze y’oluwalabu mu Luganda eyatongozeddwa Mufti w’e South Africa.
Enkuluze eno ewandiikiddwa Sheikh Muhammad Jamil Kakande ng’ayambibwako abakugu okuva mu Yunivasite ey’e Makerere   n’eyobusiraamu e Mbale.
Omukolo guno ogw’okutongoza ekitabo kino gwetabiddwaako omumyuka
owookusatu owa Katikkiro  a Uganda, Hajat Rukia Nakadama eyakiikiridde mukamawe, Robinah  Nabbanja Musafi ri. Omukolo gwetabiddwaako ebikonge ebyenjawulo omwabadde ne mufti wa South Africa, Sheikh,   Maula Ebrahem Ismail Bham
n’omumyuka wa mufti asooka, Sheikh Ali Waiswa eyakiikiridde Mufti Sheikh Shaban Mubajje.  Kakande yategeezezza nti ekitabo  kino eky’emiko 800 n’omusobyo
kirina enjuyi bbiri okuli olukiggya mu Luwalabu nga luzza mu Luganda
era luno lwawedde kyokka n’olulala oluggya mu Luganda okuzza mu Luwalabu lwakukolwako nga ssente ezeetaagisa zifunyise.
Okusooka ono yagambye nti amagezi n’okumanya kye kirabo Mungu kyasinga okugaba era ekinene n’okusinga obugagga abamu bwe bakulembeza.  Yayongeddeko nti ekirowoozo  ky’okuwandiika ekitabo kino yakiggya ku Pulezidenti Museveni eyawandiika ekitabo ekivvuunula Olukiga n’Olunyankole mu 2012 ne bwe yatongoza
ekirala ekivvuunula Olunyoro n’Olutoro mu 2013 era n’alabula nti  ennimi ennansi zirina okukuumibwa obutiribiri. Yeebazizza Dr. Ibrahim Hassan Kiyingi akulira ebyemirimu mu
kitongole ky’okusomesa Olusiraamu mu yunivasite y’Obusiraamu e Mbale ne Polof. Abasi Kiyimba omukugu  mu Lungereza okuva e Makerere mu yunivasite.