UPDF egenda kuwandiika abajaasi abalala ne bannassaayansi

EGGYE lya UPDF ligenda kuwandiika abajaasi abalala abalina obukugu ne bannassaayansi okulyegattako.

Gye buvuddeko, babadde bawandiika abaamala siniya ey'okuna era ne bagenda mu maaso n'okubansunsulamu.

Mu kiseera kino , bali mu nteekateeka z'okuwandiika abo abalina obukugu gamba nga mu Kubajja, okusiiga langi, yinginiya, abamanyi eby'amasannyalaze, bamakanika mu bintu eby'enjawulo wamu ne bannassaayansi.

Bannasayansi, bagenda kuba bayingiza abo abaamaliriza siniya ey'omukaaga nga baakola amasomo omuli PCM, BCM, MEG, PEM , era nga balina principle pass waakiri emu mu kimu ku byo ne subsidiary bbiri (2).

Omwogezi w'eggye lya UPDF, Maj. Gen. Felix Kulaije, agambye nti balina kubeera wakati w'emyaka 18 okukoma ku 28 era ng'okusaba kwabwe, kwakutwala ennaku 14 okutandika nga July 3 , okukoma July 10.

Asabye abo bonna abaagala,  okuweereza okusaba kwabwe ku  UPDF website , agasseeko nti nga July 15, abo abanaabeera basunsuddwamu, baakugenda e Bombo okwongera okubeetegereza n'okubansunsulamu okutuukira ddala nga July 20.