Aba PFF abakulirwa Lukwago bawaga mu ka 2026

ABA People’s Front for Freedom [ PFF ] olukakasiddwa akakiiko k’ebyokulonda ne balangirira enteekateeka y’okutalaaga eggwanga basitule ekibiina kyabwe kiwagaanye okutuuka ku ntikko.

Abanene mu kibiina baatudde ne batema empenda ku ngeri gye bagenda okutongoza ekibiina ku mukolo ggaggadde buli muntu mu ggwanga n’ebweru ategeere nti kizze kuvuganya ate kiwangule ebifo ebyenkizo mu ggwanga..

Abanene mu kibiina okuli akola nga pulezidenti ekiseera kino Erias Lukwago, omulongo Wasswa Biriggwa, omubaka Ibrahim Ssemujju Nganda, Francis Mwijjukye , Salam Musumba n’abalala okuva mu bitundu by’eggwanga ebyenjawulo baatudde ku kitebe kyabwe ekya Katonga mu Nakasero.

Enteekateeka eddiridde , akakiiko k’ebyokulonda okubawa ebbaluwa ku Lwokuna lwa wiiki ewedde ng’ebakakasa nga bwe batuukirizza amateeka gonna agaabalagirwa okuyitamu okuwandiisa ekibiina.