Omuwabuzi wa Pulezidenti ayingidde mu nkaayana z'ettaka erikaayanirwa e Sseguku

ENKAAYANA z'ettaka e Seguku zisitudde omuwabuzi  wa  Pulezidenti  ku nsonga ez’enjawulo Phionah Barungi gyagenze ,nayimiriza byonna ebikolebwa ku ttaka  erikayanirwa nga agamba  kuliko ekiragiro kya Kkooti  ekibayimiriza kye bajjemera ne kitatekebwa mu nkola

“Ndi wano kuteeka mu nkola kiragiro ekyayisibwa Kkooti ekiyimiriza byonna ebikolebwa ku ttaka lino. Tutekeddwa okuwa Kkooti zaffe ekittibwa , omulamuzi yayimiriza  byonna ebikolebwa ku ttaka kyokka mwagenda mu maaso ne muzimbako Kkalina . Temulina yadde pulaani kubanga ya bizimbe kubanga ettaka likayanirwa tewali yabawa kyapa  ‘  Barungi bweyagambye

Famire ezikaayanira ettaka nga ziri mu lukiiko

Ettaka  liri ku bulooka 377 poloti 129 nga likayanirwa e Kkanisa ya World Answers Church International eya Apostle Jeremia Sebakijje ne ffamire y’omugenzi Christopher Kaweesa. 

 Barungi yalagidde Davis Seremba  eyagambye nti yinginiya alinawo ekizimbe ne mwannyina  , okuyimiriza abakozi bonna ababadde waggulu ku Kkalina , nasaba Joseph Lukyamuzi eyabaguza  asabe Kkooti okwanguyirizaako okukola okusalawo okwenkomeredde balyoke bazimbe   .

Barungi yabadde agenze ku ttaka lino erisangibwa ku kyalo  Busawula Seguku Katale mu  disitulikiti ya Wakiso okuteeka ekiragiro kya Kkooti mu nkola n’okusangulawo  obulimba ku bimwogerwako  nti ku ttaka lino alinako Kkalina .  Barungi bamulengeza Kkalina gye bagamba nti yiiye ne bamenye n’abakungu abalala okuli  RDC wa Wakiso Justine Mbabazi nti kye bava  bazimba teri abakuba ku mukono  .

 Barungi yagambye nti ab’eKkanisa eno  batukirira  offisiye nga beemulugunyiriza ffamire ya Kaweesa okujjemera ekiragiro kya  Kkooti ekyayisibwa nga 24 Dec 2024  ekiyimiriza  byonna ebikolebwa ku ttaka lino okuli enkayana  kyokka ne bajjema nga kati bazimbyeko Kkalina .

Ramadhan Kawere nga ye looya we Kkanisa eno,  mu lukiiko yagambye nti bagula ettaka lya yiika ttaano ku landiloodi omugenzi Christopher Kiwanuka Kawagama ku bukadde 75 n’abakwasa ekyapa mu 2006 .  Basooka kuligulira mu mmanya ga Herbert Sebakijje , David Nambale ne Magret Mayiga mukyala Katikiro oluvannyuma ne baliza mu linnya lye Kkanisa nge wandiiddwa  

Lukyamuzi gwebalumiriza okutnda ettaka lya Famire

 Kiwanuka yalina  ettaka lya yiika 22.8 kyokka nga kuliko abatuuze .Yakomawo okuva e Bulaaya nasaba abalina ssente okwegula abalala bateeseganya nabasalira ku bibanja nabakolera  ebyapa.

Omugenzi Christopher Kaweesa yali omu ku bebibanja eyalinako yiika 8 ne decimal 80 ne bakkanya ne Kiwanuka eyamulekeerako yiika satu. Wabula Kaweesa yasaba Kiwanuka amwongereyo yiika endala bbiri ne bakkanya azigule  obukadde 12 . Kyokka Kaweesa yasasulako obukadde mukaaga kwe ku mwongera yiika emu kubanga ssente endala zamulema okumalayo nafuna ekyapa kya yiika nnya mu 2007.

Kiwanuka bakkanya  ne Kaweesa nti Joseph Lukyamuzi abadde akolerawo ku  ttaka wakuvaawo obutasuka 6/Jan /2006  nawebwa 200,000/- nokusalamu kalitunsiwe yenna oluvannyuma  Kkanisa wonna nesibawo  sengenge.  

 Wabula Lukyamuzi ne banne bakozesa ebiseera bya Covid 19  ab’ekkanisa nga tebakyagenda kulambula  emyaka ebbiri ne  bezinga ku ttaka ne  basimbako ebitooke ne birala .

Mu 2024 Kkooti yalasawo  buli kikolebwa kigira kiyimirizibwa okutuusa nga  bakoze okusalawo okwenkomeredde nga wonna tekuli mayumba nga  bagazimbyeko ku supiidi  .    

Ezimu ku nnyumba ezizimbiddwa ku ttaka erikaayanirwa

Wabula lukyamuzi yategeezeza nti  ettaka lyamuwebwa kitawe nga akyali mulamu era ababaddeko nga alikozesa ebbanga lyonna  .

Wabula abenganda za Lukyamuzi bamulumiriza okwezinga ku ttaka lya kitabwe lyonna natuka n’okubegaana nti tabamanyi nga tabakiriza mu ntu yenna kulinyako nalitunda .Yagambye nti  beteegefu okuteeseganya ne Kkanisa ku nsonga zino  ne basaba Barungi  okubatuuza   .

  Wabula  Barungi yagambye bwe baba bagala aziberemu  bakumuwandikira  nga bamusaba muteerevu.