Hadiajh Namyalo asiibuludde abali mu kkomera e Kitalya

AKULIRA offiisi ya ssentebe wa NRM mu ggwanga,  Hajjat Hadijah Namyalo atwalidde abasibe mu kommera lya Kitalya Mini- Max Prison ebyokusibulukuka n’abasuubiza nga bw’agenda okuwandikira Pulezidenti Museveni ebbaluwa ng’amusaba akkirize awe abo abasaalirwa ebibonerezo ebitonotono ng’ate binatera okuggwako ekisonyiwo.

Namyalo ng'atwalide abasibe eby'okulya

     “ Mu ssemateeka wa Uganda , Pulezidenti w’e ggwanga yekka yalina olukusa okusonyiwa omusibe ekibonerezo kkooti kye yamusaalira era ngenda kuwandikira Pulezidenti Museveni akkirize abeeko bannamukisa basonyiwa abibonerezo byabwe basobole okuddayo mu bantu baabwe naddala abo abazza misango gya naggomoola mu kkomera lino erya Kitalya Mini- Max- Prison erisangibwa mu disitulikiti y’e Wakiso.

Bino Namyalo abyogeredde mu kkomera ly’e Kitalya gye yatutte ebyokusibulula abasiraamu omwabadde omuceere, sukaali, engaano, butto, emigaati ne kalonda omulala okubayambako abo abasiiba okufuna eky’okusibulukuka okusobola okutukkiriza empagi yabwe ey’obusiraamu.

Namyalo ng'awaayo eby'okusiibulukuka

    “Nkimaanyi bulungi nnyo nti abamu ku mwe abasaalirwa ebibonerezo ebisamusamu Pulezidenti byasobola okubasonyiwa mumaze okubonereera era nga musobodde n’okuyiga eby’emikono eby’enjawulo ekigenda okubayamba okubeerako ne kye mwetandikirawo ekisobola okubayimirizawo mu nsi nga temukozesezza kapito mungi kubanga mumaze ekiseera nga muli mu kkomera” Namyalo bweyategezezza

    Namyalo yabategezezza nti ebintu bino ebyabawadde byamuweereddwa Pulezidenti Museveni okubayambako abo abali mu bwetaavu okusobola okuyita mu mwezi guno omutukkuvu ogwa Ramadhan ogw’e kisiibo.

Namyalo ng'ali ku kkomera

       Yabasabye okwekwasa Allah waabwe mu mwezi guno ogw’ekisiibo ne bwebabeera bakivuddemu, okubeera ne mpiisa n’ovuguminkkiriza kubanga ekkomera kifo kya kiseera buseera nga ebbanga lyabwe buli omu lye bamusiiba bwerinagwako baggya kuddayo mu bantu baabwe.

     Disitulikiti Khadi wa Wakiso Erias Kigozi,  yeebazizza nnyo abakulira ekkomera lya Kitalya okukkiriza Namyalo ne ttiimu ye okukkiriza okusibulula abasiibe kubanga kino kikulu nnyo era n’abagumya nga bwe kitagenda kukoma ku mulundi guno gwokka.

Mamyalo ng'awaayo eby'okusiibulukuka

      Akulira ekkomera lya Kitalya Mini-Max Prison, SP Hassan Walangalira yeebazizza Namyalo okulondawo abasiibe b’e Kitalya nabatwalira ebyokusibulukuka era namusaba aleme kukoma okwo