Amawulire
Museveni asuubizza ab’e Kalangala okubazimbira amasomero n’ebidyeri
OKUNOONYA akalulu ak’okuddamu okulonda omubaka omukyala akiikirira Kalangala kwakomekkerezeddwa eggulo, era nga Pulezidenti Museveni yasitukiddemu okunoonyeza munna NRM, Aidah Nabayiga akalulu.
Pulezidenti Museveni ne banna NRM e Kalangala. Amuddiridde ku kkono ye, Nabayiga akwatidde ekibiina bendera mu kalulu akagenda okulondebwa ku Lwokusatu.
By: Bukedde Omusunsuzi, Journalist @NewVision
OKUNOONYA akalulu ak’okuddamu okulonda omubaka omukyala akiikirira Kalangala kwakomekkerezeddwa eggulo, era nga Pulezidenti Museveni yasitukiddemu okunoonyeza munna NRM, Aidah Nabayiga akalulu.
Museveni era nga ye Ssentebe wa NRM yakuyegedde Nabayiga akalulu mu lukung’aana olwakubiddwa ku kisaawe e Kibanga.
Museveni e Kalangala yagendedde mu nnyonyi nnamunkanga eyagudde ku kisaawe kya Kaala ku ssaawa nga zikunukkiriza okuwera 7:00 ez’omu ttuntu.
Yayaniriziddwa Ssentebe wa NRM e Kalangala, Gerald Sande Kayita ng’ali wamu ne Ssentebe wa disitulikiti, Agnes Lunkuse.
Baamusomedde lipoota omwabadde ebizibu bya disitulikiti okuli entambula enzibu, ebyenjigiriza ebikyasoomooza abalunnyanja, ennyanja okuggwaamu ebyennyanja n’obutaba na malwaliro.
Yayaniriziddwa Ssentebe wa NRM e Kalangala, Gerald Sande Kayita ng’ali wamu ne Ssentebe wa disitulikiti, Agnes Lunkuse.
Baamusomedde lipoota omwabadde ebizibu bya disitulikiti okuli entambula enzibu, ebyenjigiriza ebikyasoomooza abalunnyanja, ennyanja okuggwaamu ebyennyanja n’obutaba na malwaliro.
“Tukwebaza olw’okujja era okubye omusumaali ogusembayo mu kofini ya opozisoni e Kalangala, naye tusaba amasannyalaze agabadde ku kizinga Buggala e Bukuzindu zitwalibwe e Kyamuswa kubanga Buggala wagiyunga ku “National grid”, Kayita bwe yagambye.
Disitulikiti y’e Kalangala erina ebidyeri 2 ebidda e Masaka okuli MV Ssese n’e MV Kalangala, emmeeri emu eva e Ntebe okudda e Lutoboka kyokka ebizinga ebirala tebirinaako wadde.
Mu kwogera kwe Pulezidenti Museveni yasuubizza ab’e Kalangala ebidyeri ebirala 2 nga biva e Kasenyi n’e Nakiwogo nga biyunga ebizinga eby’enjawulo naddala ebyo ebiri ewala.
“Ngenda kubongeramu ebidyeeri bibiri nga biyita mu magombolola ag’omu mazzi okuli emyalo nga; Jjaana, Lwanabatya, Buyange Lulindi paka Mwena ate endala kijja kuva Nakiwogo nga kidda Buvu, Lulamba paka Lutoboka,” Museveni bwe yasuubizza.
Yabakuutidde okukuuma ennyanja yaabwe esobole okuddamu okubaweereza obulungi.
Yasuubizza okubakolera oluguudo oluva e Bugoma okudda e Mulabana, ssaako okwongera ku masomero. Wano we yasinzidde n’abasaba okulonda munnakibiina kya NRM asobole okubanja byonna by’asuubizza”.
Eddwaaliro lya Kalangala HCIV ategeezezza nti, ligenda kufuulibwa Hospital kubanga lya nkizo mu by’obulamu bwa Bannakalangala.
Ekifo kino kyasigala kikalu oluvannyuma lwa Helen Nakimuli eyali akiwangudde ku kaadi ya NUP okufa mu April era akakiiko k’eby’okulonda kalina okuddamu okutegeka okulonda kuno mu nnaku 60 zokka.
Okulonda kwa kubaawo ku Lwokusatu nga June 24, 2026.
Abeesimbyewo bali bataano okuli; Aidan Nabayiga (NRM), Irene Nampala (NUP), Agnes Nassuuna, Helen Flavia Nagawa ssaako Sharifah Babirye Kaala bonna nga bazze nga tebalina kibiina
Disitulikiti y’e Kalangala erina ebidyeri 2 ebidda e Masaka okuli MV Ssese n’e MV Kalangala, emmeeri emu eva e Ntebe okudda e Lutoboka kyokka ebizinga ebirala tebirinaako wadde.
Mu kwogera kwe Pulezidenti Museveni yasuubizza ab’e Kalangala ebidyeri ebirala 2 nga biva e Kasenyi n’e Nakiwogo nga biyunga ebizinga eby’enjawulo naddala ebyo ebiri ewala.
“Ngenda kubongeramu ebidyeeri bibiri nga biyita mu magombolola ag’omu mazzi okuli emyalo nga; Jjaana, Lwanabatya, Buyange Lulindi paka Mwena ate endala kijja kuva Nakiwogo nga kidda Buvu, Lulamba paka Lutoboka,” Museveni bwe yasuubizza.
Yabakuutidde okukuuma ennyanja yaabwe esobole okuddamu okubaweereza obulungi.
Yasuubizza okubakolera oluguudo oluva e Bugoma okudda e Mulabana, ssaako okwongera ku masomero. Wano we yasinzidde n’abasaba okulonda munnakibiina kya NRM asobole okubanja byonna by’asuubizza”.
Eddwaaliro lya Kalangala HCIV ategeezezza nti, ligenda kufuulibwa Hospital kubanga lya nkizo mu by’obulamu bwa Bannakalangala.
Ekifo kino kyasigala kikalu oluvannyuma lwa Helen Nakimuli eyali akiwangudde ku kaadi ya NUP okufa mu April era akakiiko k’eby’okulonda kalina okuddamu okutegeka okulonda kuno mu nnaku 60 zokka.
Okulonda kwa kubaawo ku Lwokusatu nga June 24, 2026.
Abeesimbyewo bali bataano okuli; Aidan Nabayiga (NRM), Irene Nampala (NUP), Agnes Nassuuna, Helen Flavia Nagawa ssaako Sharifah Babirye Kaala bonna nga bazze nga tebalina kibiina