Amawulire
Poliisi yeeyamye okukuuma Bannayuganda mu kiseera ky'okulonda bassentebe
POLIISI etegeezezza nga bwe yeetegese obulungi okukuuma Bannayuganda mu kiseera ky'okunoonya obululu n'okulonda kw'obukiiko bwa LC wonna mu ggwanga.
Poliisi yeeyamye okukuuma Bannayuganda mu kiseera ky'okulonda bassentebe
By: Godfrey Kigobero, Journalist @New Vision
POLIISI etegeezezza nga bwe yeetegese obulungi okukuuma Bannayuganda mu kiseera ky'okunoonya obululu n'okulonda kw'obukiiko bwa LC wonna mu ggwanga.
Okulonda, kwakubaawo nga July 28 era nga kkampeyini z'okuyigga obululu n'obuwagizi , zitandise leero era nga zaakukomekkerezebwa nga July 27.
Omwogezi wa poliisi mu ggwanga , Kituuma Rusoke, agambye nti baasisinkanye akulira akakiiko k'ebyokulonda mu ggwanga era ng'akafubo keetabyemu aduumira poliisi mu ggwanga Abas Byakagaba n'abakungu ba poliisi abalala .
Agasseeko nti keetabiddwamu n'abalala okuva mu bitongole eby'enjawulo okutemera awamu empenda mu kalulu kano.
Agumizza Bannayuganda okubeera abagumu n'okubeera obulindaala, nga bagondera ebiragiro n'okukolagana obulungi n'ebitongole ebikuumaddembe.