Ab'ekibiina ekiddukanya emizannyo mu ggwanga batandise kaweefube n'okunoonya abaliko obulemu abagenda mu mizannyo gya olympic games

Akakiiko ka Uganda Olympic Committee nga kali wamu n'ekibiina ekiddukanya omuzannyo gwemisinde mu ggwanga ekya Uganda Athletics Federation batongozza kaweefube wokunoonya abavubuka abanoonyi bobubudamu abagenda okukiikirira eggwanga mu mizannyo gyabavubuka egya Youth Olympic Games.

Abazannyi nga babambaza emidaali

Abavubuka abasoba mu 100 okuva mu bitundu byeggwanga ebyenjawulo ebirimu abanoonyi bobubudamu okuli Kampala, Rwamwanja, Adjumani ne Kyangwali bebetabye mu misinde gyaleero okunonyako abavubuka 10 abakiikirira eggwanga ku tiimu yabanoonyi bobubudamu esookedde ddala.
Empaka zino ezolunaku olumu zibadde mu kisaawe galikwoleka e Namboole nga abavubuka bavuganyizza mu misinde egya mmita 100, 200, 400, 800, 1500, ne 3000 mu bawala nabalenzi.
Eza mmita 100 mu bawala ziwanguddwa Florence Kabuo okuva e Rwamwanja nga addukidde sikonda 15.31 ate Peter Nyamara owa Adjumani nawangula ezabalenzi oluvannyuma lwokuddukira sikonda 12.32.
Adjumani eyongedde okukola obulungi mu mbiro eza mmita 200 mu bawala nga ziwanguddwa Gladys Aniga addukidde 27.63 ate Kalume Moise owa Kampala neyetikka ezabalenzi bwaddukidde sikonda 25.84.
Adjumani ezzeemu neyetikka eza mmita 400 mu bawala eziwanguddwa Nyaluak Biling ate ezabalenzi neziwangulwa Akol Tor Akol.
Wabula Rwamanja ne Kyangwali bagitutteko eza mmita 800 eziwanguddwa Masumbe Florence ne   Rashel Dudenge owa Kyangwali awangudde eza mmita 1500.
Adjumani ekomyewo nate newangula eza mmita 3000 nga eyita mu Irene Lamuno ne Clement Lole. 
Adjumani awamu yeeridde mu banne akendo nga ewangudde emitendera 11 ku egyo 16 neddirirwa Rwamwanja ne Kyangwali abawangudde emitendera ebiri ate Kampala newangula omutendera gumu gwokka.
Abawagizi bemisinde basinze kunyumirwa egyabadduka nga bakutte obuti ziyite relay eza mmita   4x100 ne 4x400 mu balenzi nabawala nga gyawanguddwa abaddusi ba Adjuminani okubadde Akol Tor Akol, Mariel Bhut, Tiel Mabil ne James Kenyi.
Emizannyo gino gitegekeddwa aba uganda olympic committee wamu ne Game Connect, AVSI ne Youth Sport Uganda.

Bannabyamizanyo nga bali mu kifaananyi ekyawamu

Akulira tiimu yabanoonyi bobubudamu Gonzalo Barrio atenderezza abaddusi olwobuvumu bweboolesezza yadde nga gwemulundi ogusoose okuddukira ku truck.
Barrio ayongeddeko nti ekibiina kya international olympic committee kyagendereddemu okuwa omukisa abanonyi bobubudamu okusigala nga batwala ebitone byabwe mu maaso.
President wa UOC Dr. Donald Rukare atenderezza abategesi bempaka zino olwokuwa abanoonyi bobubudamu omwaganya okwolesa ebitone byabwe saako nokuyita mu byemizannyo okwemalako ennaku.
Akiikiridde abakiiko abakulira emizannyo gyonna mu ggwanga aka National Council of Sports Milton Chebet, asiimye aba uganda olympic committee olwobutalekerera bitone byabanoonyi bobubudamu.
Abaddusi abalondeddwamu baakwongera okubangulwa nga beetegekera empaka zabavubuka ezigenda okubeera mu kibuga Dakar ekya Senegal omwaka ogujja nempaka za Olympics ezigenda okubeera mu ggwanga lya America mu 2028.
[19:42, 11/4/2025] KAFULUMA: abanoonyi bobubudamu batuuyanidde e namboole, banoonya bubonero obubatwala mu mizannyo gya olympics