Uganda etandikidde mu ggiya mu mpaka za chess e zimbabwe.

 Psalm Nicole (UG) 1-0 Jayne Awuor (KE)
Ernest Kiggundu (UG) 1-0 A. Varadharajan (SA)
Sean Mulema (UG) 0-1 Johan Binneman (NB)
Kagoda Aaron (UG) 0-1 Mdaha Vuyanathi (SA)

U10 
Talia Atubet (UG) 1-0 Janelle Mutale (ZAM)
Elvis Tumusiime (UG) 1-0 Eli Nyenjeri (KE)

U12 
Ronald Wabwire (UG) 1-0 Kanyera Munesha (ZIM)
Ahumuza Apollo (UG) 1-0 Liu Yize (KE)
Oyang Sankara (UG) 1-0 Maxwel Adego (KE)
Kirabo Anabel (UG) 0-1  Mugu Zawadi (KE)
Suhava Anil (UG) 1-0 Jain Avishi (ZIM)

U14 
Juliet Asaba (UG) 1-0 Huwa Romdizo (ZIM)
Daniel Odokonyero (UG) 1-0 C. Dominic (MW)
Omara Samora (UG) 1-0 Emanuel Masimba (ZIM)

U16
Dasha Zalwango (UG) 1-0 S. Ndovorwi (ZIM)
Shoubith Omprakash (UG) 1-0 D. Shipenzi (ZIM)

U18
Sana omprakash (UG) 1-0 Latoya Matereka (ZIM)
Pido Edwin (UG) 1-0 M. Tawananyasha (ZIM)

Bamusaayimuto ba Uganda batandise n'amaanyi mu mpaka za chess eza Africa Youth Chess Championships ezigenda mu maaso mu kibuga Harare ekya Zimbabwe.
Ku nzannya 18 ezagguddewo ku ssande baawanguddeko 13 ekyasanyudde abatendesi nabakungu abaatambudde ne tiimu.
Juliet Asaba yeyasinze okukola amawulire bweyawangudde omuzannyo gwe mu dakiika ssatu bweyabadde attunka ne Huwa Romdizo munnansi wa Zimbabwe.
Wabula Asaba tebyamutambulidde bulungi mu muzannyo ogwokubiri bweyakubiddwa Ranjith Aishwaryan okuva mu South Africa mu mutendera gwabali wansi wemyaka 14.
Mu mutendera gwegumu Daniel Odokonyero yafunye obuwanguzi mu luzannya olwokubiri ate ye Omara Samora nebamusuula amaliri.

Ronald Wabwire nga azannya

Talia Atubet eyafunira Uganda omudaali mu mpaka ezaasembayo e south Africa naye ayongedde okutangaaza emikisa gyokuwangula omudaali oluvannyuma lwokufuna obuwanguI obwemirundi ebiri obuddiringana.
Mu bali wansi wemyaka 18 Sana Omprakash ne Edwin Pido nabo baayongedde okutangaza emikisa gyabwe egyokuwangula nga kati balina obubonero bubiri mu nzannya bbiri.
Ekibinja kya Uganda ekisinga obunene kiri mu bamusaayimuto abali wansi wemyaka 12 era nga bano okuli Ronald Wabwire, Apollo Ahumuza, Oyang Sankara ne Suhana Anil baawangudde emizannyo gyabwe gyombi ate ye Anabel Kirabo nafuna obuwanguzi bwe obwasoose oluvannyuma lwokuwangula omu Zimbabwe Talia Kamama.

Talia Atubet owemyaka 8 nga attunka mu mpaka za chess

Mu balala abaazanye Dasha Zalwango yakubiddwa Carol Ndlovu owa Zimbabwe ate Shoubith Omprakash nawangula enzannya ze zonna ezasoose. Sean Mulema ne Kirabo baafunye obuwanguzi bwabwe obwasoose mu bali wansi wemyaka 10 ate ye Aaron Kagoda nagwa maliri.

Abali wansi wemyaka omunana nabo baakoze bulungi Psalm Nicole yawangudde enzannya ze zombi ate Ernest Kiggundu nafuna obuwanguzi bwe obwasoose.

Empaka ziddamu nemizannyo egyenjawulo nga bannayuganda batunuulidde buwanguzi bwokka.