Bannayuganda bongedde okukola obulungi mu mpaka za chess ezitojjera e Zimbabwe

Egyazanyiddwa
U18 
Sharon Rafael (ZAM) 1-0 Edwin Pido (UG)
Sana Omprakash (UG) 1-0 Amrouni Alexia (SA)

U16 
Gwanzura Alisha ( ZIM) 0-1 Dasha Zalwango (UG)
P. Shivashai (MAW) 0-1 Soubith Omprakash(UG)

U14
Daniel Odokonyero (UG) 1-0 M. Kamogelo (SA)
Froom Gabriel (SA) 0-1 Omara Samora (UG)
Asaba Juliet (UG) 1-0 Beecum Viha (SA)

U12 
Miriti Angela (KE) 0-1 Suhana Anil (UG)
Moyo Nompumelelo (ZIM) 1-0 Anabel Kirabo (UG)
Apamoshem Mali (KE) 0-1 Ronald Wabwire (UG)
Ahumuza Apollo (UG) 1-0 Oyang Sankara (UG)

U10 
Talia Atubet (UG) 1-0 Patience Chepkoiwo (KE)
M. Kukundakwashe (ZIM) 0-1 E. Tumusiime (UG)

U8 
Psalm Nicole (UG) 0-1 Faith Malemane (SA)
Juma myles (MAW) 0-1 Aaron Kagoda (UG)
Ernest Kiggundu (UG) 1-0 Zhao Tonny (ZIM)
Mulema sean (UG) 1-0 C. Kudakwase (ZIM)

Bamusaayimuto ba Uganda balinye ku ntikko yebimeeza ebyemitendera egyenjawulo oluvannyuma lwobuwanguzi bwebaatuseeko mu lunaku olwokubiri olwempaka za Africa Youth Chess championships ezigenda mu maaso mu kibuga Harare ekya Zimbabwe.
Sana Omprakash (U18), Daniel Odokonyero (U14) ne Apollo Ahumuza (U12) baalinye ku bimeeza oluvannyuma lwokukunga obubonero busatu mu mizannyo esatu gyebaabadde baakazanya.

Shoubith Omprakash (U16) nga alowooza kyazzaako

Sana akwata ekifo ekyokubiri ku lukalu lwa Africa yakubye munnansi wa South Africa Amrouni Alexia ate kunkya ya leero naddamu naakuba Natalie Banda owa Botswana neyekuumira ku ntikko nobubonero 4 mu mizannyo ena.
Munnayuganda omulala azanyira mu mitendera gwegimu Edwin Pido yeesasuliza ku mu South Africa Yan Weilun ku nkya ya leero oluvannyuma lwokukubwa munnasi wa Zambia Sharon Rafael akawungeezi keggulo.
Daniel Odokonyero ne Apollo Ahumuza nabo baalinye ku ntikko oluvannyuma lwokufuna obuwanguzi mu mitendera gya U14 ne U12.

Sana Omprakash(U18) nga attunka ne Amroui Alexia owa South Africa

Wabula kunkya ya leero Odokonyero akubiddwa omuzannyo gwe ogusoose mu mpaka zino munannsi wa Kenya David Warimwe ate nga ye Ahumuza akoze maliri ne Ihude Omunujok owa Zimbabwe.
Soubith Omprakash (U16), Suhana Ani Yadav (U12), Ronald Wabwire (U12) ne Talia Atubet bakwata bifo byakubiri oluvannyuma lwokuwangula enzannha zaabwe essatu ezasoose.
Wabula kunkya ya leero Soubith akoze amaliri ne Matyire Prosper owa Zimbabwe nadda mu kifo ekyokusatu.

Edwin Pido (U18) nga attunka ne Yan Weilun owa south Africa

Talia Atubet eyawangulira Uganda omudaali ogwekikomo mu mpala zomwaka oguwedde ayongedde okukola obulungi bwafunye obuwanguzi obwokuna obwomuddiringanwa mu mutendera gwabali wansi wemyaka 10.
Bannayuganda abalala okuli Elvis Tumusiime (U10), Kagoda Aaron, Ernest Kiggundu ne Mulema Sean (U8), Omara Samora ne Juliet Asaba (U14) ne Dasha Zalwango (U16) nabo bawangudde enzannya zaabwe kunkya ya leero