Embiranye ya Buddo ne St Mary's Kitende ekutte enkandaggo

Buddo 0-1 Fortportal 
Mentor (5) 1-1 (3) Kyaddondo 

Embiranye wakati wa Buddo ne St marys Kitende yayongedde okweyolekera mu mizannyo gyamassomero egya Elite egibadde ku ssomero lya Janan e Bombo.

Mu muzannyo wakati wa Buddo ne Seroma bakira abazanyi nabawagizi ba Kitende obwedda bawagira Seroma eyaguddewo ne Budo mu nsero eyabawala yadde nga Buddo yamaze nebasirisa bweyawangudde omuzannyo ku nsero 55-30. 

Yo kitende yakubye janan ensero 84-3. Mu balenzi Buddo yakubye janan 70-34 mu muzannyo ogwasoseewo ate mu gwokubiri nekuba Seroma 46-33. Yo seeta yakubye mengo ensero 57-30 ate Amus college nebakuba mu muzannyo ogwokubiri43-30.

omuteebi wa kyaddondo (red) nga ayita ku bazibizi ba Menta SS (blue)

Mu kubaka st marys Kitende yamenyewo likodi ya Buddo eyokuteeba goolo enyingi bweyakubye janan 120-8 ate Buddo nekuba Namagabi 63-26. Mu handball Gombe yakubye Bombo Army 46-12 ate mu gwokuburi nekuba Maryhill 35-12.

Mu bawala Kawanda SS yakubye Bombo Army 30-29 ate Gombe nekuba Bombo Army 39-19. Mu mupiira ogwebigere mu luzannya olwa quarter final Buddo ne kyaddondo bawanduddwamu. Buddo yakubiddwa Fortportal goolo 1-0 ate kyaddondo newandulwamu Mentor SS eya lira mu kakodyo kokusimulagana peneti 5-3.

Mu dakiika ekyenda gwawedde maliri aga goolo 1-1. Mu quarter final endala Bukedea comprehensive yaggyeemu st marys kitende mu kakodyo kokusimulagana peneti oluvannyuma lwedakiika 90 okuggwera mu maliri aga goolo 1-1.

Bukedea yakubye peneti 3-1 nga omuteebi wa Kitende Dennis Kisiriko yasoose okukuba omupiira mu ngalo ate Ronald Kigoye nakuba omuti. Mu luzannya oluddirira olwakamalirizo Bukedea yakubye Fortportal 3-0 ate Menta SS eye Lira nekuba Uganda martyrs 1-0.