UPDF baatandika kuta aba LDU omukyanga kya Ruwenzori

Amahe ga UPDF gatandika ehururu y’okuta ab’eby’okwerinda 1,420 aba LDU omukyanga ekya Rwenzori bwanyima y’abaheekyera ba ADF okuguma nibataahirira ekyanga eki.

Omubwire bwa wiiki 2, aba ADF bataahiriire ekyanga eki emirundi ebiri obwo barikwita abantu 13.

Brig. Gen. Felix Kulayigye, Omugambirizi w’amahe, naagira ngu Purezidenti Museveni aragiire okugarura aba Local Defence Unit omubyanga ebyetooroirwe eirindiro ry’enyamaishwa erya Kibale National Park n’ekyanga ekya Rwenzori empango kubaasa kurinda abatuura n’okugaruzaho obusingye.

Ogu naagira ngu ehururu egi yatandikira omu disiturikiti eza Kamwenge, Kitagwenda na Bunyangabu kuhisya ebiro 10/1/2024.

Brig. Gen. Kulayigye nashoboorora ngu na bwanyima nibaija kuza omu disiturikiti eza Kyenjojo, Kyegegwa na Kasese.

#WestUpdates