Abanyarwanda mu Uganda bakuzizza olunaku lw'ekittabantu ekyaliwo mu 1994

Emikolo gy’omwaka guno gyategekeddwa ku kimu ku bifo awaaziikibwa abattibwa ekisangibwa e Lambu, mu disitulikiti eye Masaka okumpi n’ennyanja Nnalubaale.

Omubaka wa Rwanda mu Uganda, Joseph Rutabana yategeezezza nti emikolo gino giyitibwa ‘Kwibuka’ ekitegeeza okujjukira, obumu, n’okuzza obujja.  

Tta14

Tta13

Tta18

Yagambye nti ekittabantu kino kyawomebwamu omukono gavumenti eyaliwo mu biseera ebyo n’abakulembeze ab’Ennono n’ekigendererwa eky’okutta ab’eggwanga ly’Abatuusi okwetoloola Rwanda yonna.

Emirambo gy’Abatuusi 10,982 gye gyaziikibwa ekirindi mu bifo bisatu mu Uganda, okuli e Lambu, mu disitulikiti y’e Masaka, e Ggoli, mu disitulikiti y’e Mpigi, ne Kasensero, mu disitulikiti y’e Rakai.

Tta19

Tta17

Tta16

Oluvannyuma lw’olukiiko lw’ekibiina ky’Ensi yonna okuyisa ekiteeso ku kittabantu ekyali e Rwanda, kyasalibwawo wabeewo emikolo egitegekebwa mu Rwanda ne ku bitebe byabwe mu mawanga amalala okujjukira emyoyo gy’abagenzi n’okwefumintiriza ku ngeri y’okwewalamu ekittabantu obutaddamu kubaawo mu ggwanga lino.

Abantu 3336 be baziikibwa e Lambu, 4770, nebaziikibwa e Ggolo, ate 2875, ne baziikibwa e Kasensero.

Tta15

Tta11

Bano oluvannyuma lw’okutirimbulwa ab’akabinja k’Entarahamwe, emirambo gyabwe baginyugunya mu migga okwali okuli ogwa Kagere, ne Nyabarongo, oluvannyuma egyagikulubbusa okutuuka mu nnyanja Nnalubaale.

Olw’obungi bw’emirambo egyagobanga ku mbalama z’enyanja (Lake Victoria”, abantu ab’enjawulo bavaayo ne batandika okugikungaanya nga bwe bagiziika anti abantu batuuka n’okuva ku kulya eby’ennyanja nga babyennyinyala.

Tta10

Tta9

Owek. Mahmood Noordin Thobani y’omu ku bawaayo ettaka e Lambu kwebaziika emirambo era nga ono yeebaziddwa ekyensusso olw’omutima ogw’obuntu era ogulumirirwa gweyayolesa.

Margaret Kedisi, avunaanyizibwa ku by’obutebenkevu n’emirembe eri mu minisitule y’amawanga amalala, ye yabadde omugenyi omukulu mu bikujjuko by’omwaka guno.

Tta8

Tta7

Yasabye omukolo wa Rwanda mu Uganda Joseph Rutabana okufuba okulaba ng’enkolagana wakati wa Uganda ne Rwanda zongera okutinta nti kuba ensi zombi zirina ebintu bingi byezifaanaganya era ebinagatta.

Tta6

Tta5

Ye John Kaliisa, omu ku bammemba ba ‘Umubano’ ekibiina ekigatta Abanyarwanda mu Uganda, yasinzidde ku mukolo gw’okujjukira ekittabantu n’asaba Abanyarwanda obutabuzibwabuzibwa bantu abagala okubajja ku mulamwa nga babaperereza okukyusa erinnya ly’eggwanga lyabwe okufuulibwa ‘Abavandimwe’. 

Tta4

Tta3

Ebinkonge ebirala ebyetabye ku mukolo kwabaddeko akulira olukiiko lw’Ababaka b’amawanga amalala era nga ye mubaka wa Eritrea-Muhammed Suleiman Ahmed, Amb. Elin Ostebo Johansen, ow’e Norway, Amb. Simon Duku Michael, owa South Sudan, Amb. Dr. Aziz Ponary Mlima, owa Tanzania, n’abalala.

Tta2

Tta1