Twinamatsiko afunye wiini esooka n'abuukula

Egyazannyiddwa mu Big League

Paidha B.A 0-1 Gadafi FC

Blacks power 0-1 Kataka

Maroons 0-1 Mbale Heroes

Arua Hills 1-0 Calvary

Tooro United 3-1 Ndejje University

Proline 1-0 Luwero United

Kigezi Home Boys 2-1 Nyamityobora

Water 2-1 Terrazo and Tiles

Kino kyaddiridde omuzannyi we Robert Santos Baluku okuweebwa kkaadi emyufu mu ddakiika eya 58, ne basigala abazannyi 10 mu kisaawe kya ‘Kabale Municipal Stadium’ ku Ssande(April 18,2021) bwe baabadde bazannya Nyamityobora FC.

Mu ddakiika eno Nyamityobora yabadde ekulembedde omuzannyo (1-0) ng’eyita mu Clinton Kamugisha era kkaadi emyufu yamazeemu abawagizi ba Kigezi essuubi wabula oluvannyuma yavudde wansi n’ewangula ng’eyita mu Norman Namanya ne Dickson Niwamanya Kihanga.

“Guno tuguggye magombe ate gungirizza ebintu bingi nenfuna ekifaananyi ekituufu ekigenda okututuusa ku mutendera gwa ‘Play offs’ kuba ttiimu eteredde nga buli kimu kisobokera ddala bulungi,” Twinamatsiko bwe yaweze.

Kigezi Home Boys yabadde ekwebedde mu kibinja kya Rwenzori n’obubonero 2, kati yasenvudde ekifo kimu n’edda mu kyomusanvu. Rwenzori kikulembeddwa Tooro United n’obubonero 12.