Poliisi ekutte Abacongo 6 ku by'okusangibwa ne ddoola enjingirire n'enjaga!

Poliisi ekutte ekibinja ky'Abasajja Abacongo, abagambibwa okusangibwa ne ddoola enjingirire eziwerako awamu n'enjaga.

Abakwatiddwa, kuliko Musa Muhammad, Muniki Dudu, Asika Mumbere , Shadra Kaputale, Akwinza Ddudu Bitira, Jean Pierie Hassan , nga kigambibwa nti baabasingaanye ne ddoola z'Amerika 300,000 enjingirire wamu n'enjaga nga bagikukulidde mu mayumba.

Bano bonna, baabakwatidde mu kibuga kya Arua gye baabasanze ne ddoola ensibe mu bbando emitwalo ekkumi kkumi.

Omwogezi wa poliisi mu ggwanga, Kituuma Rusoke, ategeezezza nti baabadde babalondoola, kwe kubakwatira mu Arua ne babaggalira ng'okunoonyereza kukolebwa.