Omusajja agambibwa okufumita mukazi we ekiso ekimusse akwatiddwa poliisi

Poliisi e Mbale, ekutte omusajja Mustaafa Kaziba, agambibwa okufumita mukazi we ekiso ekimusse.

Bano bombi, babadde baakaawukana emyezi esatu egiyise, ng'omukazi Shakira Nagudi 19 , azzeeyo ewaabwe.

Ettemu, libadde Wagagai cell mu Nkoma Ward mu Mbale Northern Division, Shakira, bw'abadde ava ku dduuka, okugula ebintu.

Kigambibwa nti Kaziba,  amuwekwekeredde mu kazikiza okumpi n'amaka gaabwe, n'amufumita ekiso, n'amutta.

Omwogezi wa poliisi e Mbale, Rogers Taitika, agambye nti ono bamukutte, ng'okunoonyereza, bwe kukolebwa.