Mmotoka 10 zisirikkidde mu muliro e Makindye!!!

POLIISI y'e Kabalagala etandise okunoonyereza ku muliro ogukutte  ne gusaanyaawo mmotoka 10, mu galagi e Makindye .

Okusinziira ku amyuka w’omwogezi wa poliisi mu Kampala n’emiriraano Luke Owoyesigyire, omuliro guno ogutannategereekeka kwe guvudde gwatandise ssaawa 12:00 ez’okumakya mu zzooni ya Mutajazi A, mu muluka gw’e Kibuli mu munisipaali y’e Makindye.

Poliisi y’abazinyamowoto etuuse n’ezikirizza omuliro guno kyokka nga w’etuukidde ng’emmotoka 10 zimaze okusirikka.

Okusinziira ku poliisi tewali muntu alumiziddwa mu muliro guno kyokka nga galagi bbiri ze zikoseddwa ng’emmotoka endala zitaakiriziddwa era ng’ekivuddeko omuliro kibadde tekinnategeerekeka.

Owoyesigyire akubirizza abantu bulijjo okwewala okusembereza omuliro mu bifo ebiringa bino okwewala obubenje nga buno.