Amawulire
Bodaboda eseeredde n'egwa mu mmotoka n'erinnya omusaabaze agibaddeko e Bugweri
Omuntu omu afiiridde mu kabenje akagudde e Idudi e Bugweri, pikipiki okubadde omusaabaze bw'eseeredde n'egwa mmotoka n'emulinnya.
Bodaboda eseeredde n'egwa mu mmotoka n'erinnya omusaabaze agibaddeko e Bugweri
By: Godfrey Kigobero, Journalist @New Vision
Omuntu omu afiiridde mu kabenje akagudde e Idudi e Bugweri, pikipiki okubadde omusaabaze bw'eseeredde n'egwa mmotoka n'emulinnya.
Bibadde Idudi Town, ku luguudo oluva e Iganga okudda e Bugiri , mmotoka bw'esse Aidah Baagala 48 omutuuze w'e Namatanga e Bugiri.
Abadde atambulira ku bodaboda nti kyokka n'eyita mu butto abadde yayise mu kkubo n'eseerera ne bagwa olwo mmotoka ebadde ebavaako emabega, n'erinnya omukyala.
Kigambibwa nti waliwo ababbi ababbye butto ku mmotoka omulala n'ayiika mu luguudo ekivuddeko pikipiki okuseerera n'egwa olwo mmotoka ebadde ku misinde n'erinnyako omu n'afa.
Omwogezi wa poliisi mu Busoga East, Micheal Kasadha, agambye nti okunoonyereza kugenda mu maaso