Bamulekwa ba taata eyattiddwa basula ku tebuukye
Dec 24, 2020
BAMULEKWA batuuza ya lukugunyu olw'okutiisibwa kwe bafuna nti omujjwa eyasse kitaabwe bw'akomawo nabo okubatta.
By Bukedde Omusunsuzi
Journalist @NewVision
Bawaliriziddwa okumyumyulamu ebyanguwa ne badduka mu nnyumba ya kitaabwe nga batiddewo omujjwa okugabazinduukirizaamu n'abasanjaga amajambiya ge yattisizza kitaabwe.
Obweraliikirivu babulombojjedde omumyuka wa RDC e Kalungu Hajat Sarah Nanyanzi azzeeyo okubaako by'ababuuza n'okubasaasira.
Kigambibwa nti omujjwa Richard Kato Ssewankambo yatutte banne ne batemula kkojjaawe Saalongo Emmanuel Sserwadda olwokumulemesa okutunda ekibanja kya nnyina Naalongo Resty Nabadde naye eyafudde puleesa.
Hajat Nanyanzi asanze Bamulekwa batikka ebintu by'omugenzi nga babitwala okubiteresa mpaka olumbe lwe lulyabizibwa ne bigabanyizibwa.
Bamulekwa Musa Kimbugwe, Achleo Ssuuna n'abalala basabye ab'ebyokwerinda obukuumi n'obwenkanya ku by'omusango gw'okubattira kitaabwe kubanga abatemu tebannakwatibwa.
"Okuva lwe twaziika kitaffe ne Ssengaffe tufuna obubaka nti Kato agenda tuddira atutemeteme kuba tatwetaaga mu kibanja ky'obusika bwaffe nti wakiri okutukumako petulooli n'atusaanyawo ffena",bwe bakaatirizza.
Hajat Nanyanzi abagumizza nti poliisi ekolabutaweera okukwata abatemu abakulirwa Kato bakangavvulwe.
No Comment