Basse omuntu ne bamusalako ebitundu by'ekyama e Kamwokya

ABATUUZE be Kamwokya mu zooni ya Old Kira Road  okuliraana ekitebe kya Nup baguddemu ekikangabwa bwe basanze  omuntu ng’attiddwa mu bukambwe abamusse ne bamusalamu ebitundu bye ebyekyama.

 Okusinzira ku batuuze ettemu lino luabaddewo ku saawa 9:00 ezekiro ekyakeesezza ku Ssande.Omulambo guno gwasangiddwa nga gusibiddwa emiguwa  ku mikono kyokka  nga gugiddwamu engoye  nga zisuliddwa  ku bbali ekyalaze nti abamusse basoose ku mugyamu ngoye nga tebanatuuka ku musalako bitundu bye byakyama  nakumutta.

Rose Namulemezi omu ku batuuze  yagambye nti yawulidde emiranga  gy’omuntu alaajana okumusonyiwa nga yegayirira ababadde bamukutte ng’abategeeza nga bwatali mubbi.Ettemu lino welyakoleddwa wesudde  mita nga 100 okuva  nawali ekitebe kya Nup  era  abasing ku batuuze abazze okulaba omulambo guno bakubaganye empaawa ng’abamu bagamba nti ettemu lyandibeeramu ebyobufuzi abalala nti ayinza okubanga yakwatiddwa mu bubbi.

Poliisi okuva eKira Road yatemezebwaako n'esobola okutuuka neyekebejja omulambo olwa  neggwa ne ku bizibiti okwabadde akambe abatemu kebakozesezza ,esweeta egambibwa okuba eyekitongole  ekikuumi n'ebilala.

 Yatiise omulambo ku mmotoka negutwala emulago  okugwekebejja.

 James Kakooza kansala wa Kamwokya ii yategeezezza nti obubbi mu kitundu bususse nga bantu babayingiroira obudde bukyali, yagambye nti omuvubuka eyattiddwa  babadde bamumanyiko  linnya limu lya Odongo  ng’abeera Bukoto navumirira okutwalira amateeka ,mu ngalo.

Amyuka omwogezi wa poliisi mu Kampala nemiriraano Luke Oweyesigyire yagambye nti bakukwata ababadde emabega wettemu lino